V Hanumantha Rao Says Jagan Ysr Are Big Corruptionists

Posted: 08/22/2012 08:18 PM IST

VH-Hanumanta-rao ప్రస్తుతం వివాదం రేపుతూ... కాంగ్రెస్ మంత్రులను జైల్లోకి వెళ్ళేలా చేసిన జీవోల వ్యవహారం పైూ కాంగ్రెస్ రాజ్యసభ సభ్యుడు వి. హనుమంతరావు మాట్లాడుతూ.. కాంగ్రెస్ మంత్రులకు ఇప్పటికైనా జ్ఞానోదయం అయినందుకు సంతోషంగా ఉందని, ఆ నిర్ణయాలు తీసుకున్న రోజులు ఫోన్ చేసింది ఎవరో చెప్పేస్తే ఈ వివాదాలన్నిపరిష్కారం అయిపోయినట్లేనని అన్నారు. ఆంధ్ర ప్రదేశ్ మంత్రులు నిజం చెప్పేయాలని, ఫోన్ చేసిందెవరు - వై.ఎస్. చేశాడా, ఆయన కొడుకు చేశాడా, ఆత్మ చేసిందా ? ఏ విషయమూ చెప్పాలని వి. హనుమంతరావు మంత్రులను డిమాండు చేశారు. ఎన్నికలలో గెలుపొందడానికి కాంగ్రెస్ పార్టీకి వై.ఎస్. ఫొటో అక్కరలేదని కూడా ఆయన వ్యాఖ్యానించారు. వై.ఎస్. అండతోనే జగన్ అక్రమార్జనకు పాల్పడ్డారని పునరుద్ఘాటిస్తూ తాను మొదటినుంచీ ఈ మాటే చెబుతుంటే ఎవరూ పట్టించుకోలేదని, ఇప్పుడు మంత్రులకు జ్ఞానోదయం అయినందుకు సంతోషంగా ఉందని ఆయన అన్నారు. ఇప్పటికైనా మంత్రులు ఆ రోజున ఏం జరిగిందో నిజం బయటపెట్టాలని కోరుతూ అవినీతిలో తండ్రీకొడుకులిద్దరూ ఇద్దరూ ఇద్దరేనని ఆయన అన్నారు. మరి హనుమంతరావు వ్యాఖ్యలను పరిగణలోకి తీసుకొని మంత్రులు నిజం చెప్తారా లేదా అన్నది వేచి చూడాలి.