Byreddy To Fast For Rayalaseema State

Posted: 08/02/2012 07:58 PM IST

ప్రత్యేక తెలంగాణ రాష్ట్రం ఏర్పాటు కాబోతుందని అందుకే తాను ప్రత్యేక రాయలసీమ ఉద్యమాన్ని చేపట్టాలని నిర్ణయించినట్టు తెలుగుదేశం పార్టీకి చెందిన బనగానపల్లి శాసనసభ్యుడు బైరెడ్డి రాజశేఖర్ రెడ్డి స్పష్టం చేశారు. తాను చేపట్టనున్న ఉద్యమానికి పార్టీ అడ్డొస్తందని భావిస్తే.. ఆ మరుక్షణమే పార్టీకి రాజీనామా చేయనున్నట్టు ఆయన ప్రకటించారు. ప్రత్యేక రాయలసీమ రాష్ట్రం కోసం తన గళాన్ని ఈ మధ్య కాలంలో ఘనంగా వినిపిస్తున్న బనగాలపల్లి శాసనసభ్యుడు బైరెడ్డి రాజశేఖర్ రెడ్డి తెలంగాణ వస్తుందని డిసైడ్ చేశాడు.

తెలంగాణ రాష్ట్రం ఇచ్చే కంటే ముందు రాయలసీమ రాష్ట్రాన్ని ప్రకటించాని కూడా ఆయన డిమాండ్ చేస్తున్నారు.. రాయలసీమ హక్కులను కాపాడేందుకే తాను ఈ ఉద్యమం చేపట్టనున్నట్టు ప్రటించారు. ఇందుకోసం త్వరలో దీక్ష చేస్తానని ప్రకటించారు. ఈ దీక్షకు పార్టీలకు అతీతంగా సీమ వాసులు మద్దతు తెలుపాలని ఆయన విజ్ఞప్తి చేశారు. తెలంగాణ రాష్ట్రం ఏర్పాటవుతుందన్న భయంతోనే తాను ఈ దీక్షకు చేయనున్నట్టు తెలిపారు. తెలంగాణ ఏర్పాటును తాను వ్యతిరేకించడం లేదని, అదేసమయంలో రాష్ట్ర విభజన అంటూ జరిగితే ఖచ్చితంగా రాయలసీమను ఒక రాష్ట్రంగా ప్రకటించాలని బైరెడ్డి రాజశేఖర్ రెడ్డి డిమాండ్ చేశారు.