ITEMVIDEOS: దొంగతనం చేయడానికి ప్లాన్ అమలు చేసి.. మద్యలో పెగ్గులేసి..

Posted: 09/06/2022 03:15 PM IST

తాగుబోతునాయళ్లు.. వీళ్లని నమ్ముకుని ఏ పని చేసినా.. అది బూడిదలో పోసిన పన్నీరే.. ఎంత సేపు మద్యం మీదే ధ్యాస తప్ప.. పని మీద కించిత్ అలోచన కూడా ఉండదు అని మన తాత, నాయినమ్మలు ఎవరైనా తిటుడుంటే.. అయ్యే పాపం అని అనుకుంటాం. కానీ అలా అనుకోవడమే తప్పని ఆనక తెలుసుకుంటాం. తాతాయ్య, నానమ్మలు వారిని అలా తిడుతున్నారంటే వారు చేసిన పనుల ఫలితాలు కూడా అలానే ఉండివుంటాయ్. ఇలాంటివారిని నమ్మి పనులు అప్పజెప్పి.. మళ్లీ చేసుకోవాల్సిన రావడంతో వారిని వద్దు అనలేక.. తిడుతూనే పనలు చేయించుకుంటారు.

మద్యం పుచ్చుకుంటేనే వీరు మాట వినరు కానీ.. మద్యం పుచ్చుకోకపోతే మాత్రం వీరు చేసినంత శ్రమ మరెవరూ చేయలేరన్న విషయం వారికి తెలుసు. చుక్కపడినా.. లేక కనబడినా వారి బుద్ది కుక్క తోక వంకర అన్నట్లే మారిపోతుంది. అందుకు ఈ ఘటనే పెద్ద ఉదాహరణ. తమిళనాడులోని తిరువల్లూర్‌ జిల్లాలో ఇద్దరు మందుబాబుల రోజు మందు కోట్టాలని పూనుకున్నారు. అయితే అందుకుగానే తమ వద్ద అంత డబ్బు లేకపోవడంతో ఓ స్కేచ్ వేశారు. తమ పథకాన్ని అనుకున్నది అనుకున్నట్లు తొలిబాగం బాగానే చేశారు. అయితే మద్యం దుకాణంలోకి ఎంట్రీతో వారి ‘మద్యం చోరీ’ స్కెచ్‌ బెడిసికొట్టింది.

మద్యాన్ని అమ్ముకొని సొమ్ము చేసుకోవాలనుకొని ఓ వైన్‌ షాప్‌ గోడకు కన్నం వేసిన దొంగలు.. తీరా లోపలున్న మందు సీసాలను చూశాక కాస్త ప్లాన్‌ మార్చుకున్నారు. ముందుగా ఓ రెండు పెగ్గులేసి గొంతు తడుపుకొని ఆ తర్వాత ‘పని’కానిద్దామనుకున్నారు. అయితే అదే సమయంలో గస్తీ తిరుగుతున్న పోలీసులు గోడకున్న రంధ్రాన్ని చూసి షాపు వద్దకు వచ్చి చూడగా లోపలి తతంగం వారి కంటపడింది. అయితే దుకాణానికి తాళం వేసి ఉండటంతో వెళ్లిన ‘దారి’లోనే బయటకు రావాలని దొంగలను పోలీసులు ఆదేశించారు. దీంతో తిరిగి వారు రంధ్రంలోంచి బయటకు వచ్చాక అరెస్టు చేసి కటకటాల్లోకి పంపారు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌ అవుతోంది.

Two men drilled a hole in the wall of a liquor shop & were boozing inside when caught redhanded by a patrol police in Thiruvallur district. The men had planned to steal the liquor bottles but decided to booze before taking off when they were caught @xpresstn @NewIndianXpress pic.twitter.com/zF9MoRjlUX

— Novinston Lobo (@NovinstonLobo) September 4, 2022