ITEMVIDEOS: వేధికపై నూతన వధూవరుల డ్యాన్.. అదే సమయంలో అనుకోని ఘటన.!

Posted: 05/19/2022 07:45 PM IST

Viral video uttarakhand storm rips apart wedding tent crushes guests

పెళ్ళంటె పందిళ్ళు.. సందళ్ళు, తప్పెట్లు.. తాళాలు తలంబ్రాలూ, మూడే ముళ్ళు.. ఏడే అడుగులు.. మొత్తం కలిసీ నూరేళ్ళు అంటూ ఎవర్వైనా తమ పెళ్లి అనగానే ఆ రోజున ఎంతో ఆనందంగా ఉంటూ.. అహ్లాదకరంగా గడపుతారు. అలానే ఇక్కడ ఈ పెళ్లిలోనూ వధూవరులు తమ పెళ్లి తర్వాత ఏర్పాటు చేసిన డీజేలో వారు కాలుకదపి డాన్స్ చేశారు. వధువు వచ్చి డాన్స్ చేస్తుండగా, వరుడు కూడా ఆ వెంటనే జతకలిసి.. హాయిగా, ఆనందంగా డాన్స్ చేస్తూ.. తన జీవితంలోకి అడుగుపెట్టిన భాగస్వామిని సంతోషపరుస్తున్నాడు. ఇంతలో ఎవరి దృష్టి పడిందో లేక.. ఎవరి కన్నుకుట్టిందో తెలియదు కానీ.. పెళ్ళి వేదిక కూలిపోయింది.

అన్నదమ్ముల పెళ్లిళ్లు ఒకేసారి జరుగ్గా.. ఆ కళ్యాణ వేదికలో అందరూ ఎంతో హుషారుగా పాల్గోని తమ సంతోషాలను పంచుకున్నారు. ఆ సమయంలో ఏకంగా పెళ్లి వేదికే కూలిపోవడంతో అప్పటివరకు విసిరిన ఆనందాలన్నీ క్షణాల్లో తారుమారై హాహాకారాలుగా మిన్నంటాయి. వేదికపైనున్న 14 మందికి గాయాలు కాగా అందులో ఆరుగురు తీవ్రంగా గాయపడ్డారని, ఒక మహిళకు మెడ సర్వైకల్ కూడా దెబ్బతిన్నదని వైద్యులు తెలిపారు. వేదిక పడిపోగానే అప్పటివరకు వేదికకు చేరువలోనే ఉన్న బంధువులు అందరూ ఒక్కసారిగా అక్కడి నుంచి భయపడుతూ పరుగులు తీశారు. ఇందుకు సంబంధించిన వీడియోలు, ఫొటోలు ప్రస్తుతం సోషల్ మీడియాలో వైరల్ అవుతున్నాయి.

వివరాల్లోకి వెళితే.. ఉత్తరాఖండ్ లోని శాంతిపురిలో కాలనీలో ఈనెల 12న ఓ వివాహ కార్యక్రమం జరిగింది. ఇదే సమయంలో అనుకోని సంఘటన జరిగింది. వివాహానంతరం నూతన దంపతులు బంధువులతో కలిసి చిందులేస్తున్నారు. డ్యాన్సులు చేస్తూ ఫుల్ ఎంజాయ్ చేస్తున్న సమయంలో ఒక్కసారిగా బలమైన గాలులు వీచాయి. అక్కడున్నవారిపై పందిరి కూలి మీదపడింది. వెంటనే అక్కడున్నవారంతా భయంతో పరుగులు తీశారు. పలువురికి గాయాలైనట్లు తెలిసింది. ఇందుకు సంబంధించిన వీడియో, ఫొటోలు ప్రస్తుతం సోషల్ మీడియాలో వైరల్ అవుతున్నాయి.