https://www.teluguwishesh.com/
CM embarrassed after teachers say paid bribes for transfers ‘‘ఔను లంచాలు ఇచ్చాం’’ ముఖ్యమంత్రికి టీచర్ల దిమ్మదిరిగే షాక్..
తన పాలనలో ప్రజలు ఎలా ఉన్నారు.? వారి సమస్యలు ఏంటీ.. పాలన గురించి వారు ఏమనుకుంటున్నారు.? ప్రజాభిప్రాయాన్ని రహస్యంగా తెలుసుకునేందుకు శతాబ్దాల క్రితం రాజుల కాలంలో వారు మారువేషాల్లో ప్రజల మధ్యకు వెళ్లి తెలుసుకునేవారని తెలుసుకున్నాం. కానీ ఇప్పటి పరిస్థితులు పూర్తిగా భిన్నం. ప్రజలు ఎలా వున్నారని కాకుండా తమ హయాంలో ఇది చేశం. అది చేశామంటూ ప్రభుత్వాలే నేరుగా చెప్పేస్తున్నాయి. అది ఎంతవరకు అములు జరిగినా.. జరగకపోయినా ఫలానా చేశామన్న భ్రమలను మాత్రం కలిగించేస్తాయి.
మరో ఐదేళ్ల కాలం పాటు ప్రజలు తమకే అధికారం అందించేందుకు చేయనివి కూడా చేశామని చెప్పుకోవడం ఇప్పటి పాలకులకు పరిపాటిగా మారింది. ఇక రాజు ఒకలా తలిస్తే.. అమాత్యులు మరోలా తలిచారని.. లేక ఎమ్మెల్యేలు మరోలా చేస్తున్నారని అరోపణలు కూడా వినిపిస్తుంటాయి. ఇలాంటి అరోపణలు నేరుగా ముఖ్యమంత్రి పాల్గోన్న సభలోనే వినిపిస్తే.. ఆయనకు దిమ్మదిరిగే షాక్ తగిలినట్టే. ఇలాంటి ఘటనే రాజస్తాన్‌ ముఖ్యమంత్రి అశోక్‌ గహ్లోత్ కు ఎదురైంది. ఉపాధ్యాయులు నిండుగా వున్న సభలో ఆయన ప్రసంగిస్తూ గతంలో ఉపాధ్యాయులు తమ బదిలీల కోసం తప్పక చేతులు తడపాల్సి వచ్చేదని.. కానీ ఇప్పుడా పరిస్థితి లేదని అన్నారు.
అయితే సభలో ఉన్న ఉపాధ్యాయులు ఇప్పుడు కూడా ఇచ్చాం అన్నారు. వెంటనే బదీల కోసమా.. అనగా ఔను బదిలీల కోసం లంచాలు ఇచ్చాం.. ఎమ్మెల్యేలను ప్రసన్నం చేసుకున్నామని బదులు రావడంతో ఆయన ఊహించని ఇబ్బందికర పరిణామం ఎదుర్కోవాల్సి వచ్చింది. బదిలీలు, కొత్తగా పోస్టుల కోసం తాము స్థానిక ఎమ్మెల్యేలతో పైరవీలు చేయించుకుని, డబ్బులు ముట్టజెప్పాల్సి వస్తోందంటూ పలువురు టీచర్లు ఆరోపించారు. టీచర్ల ఆరోపణలు.. కొంత సమయం సీఎం గహ్లోత్ నోట మాటరాకుండా చేసింది. అయితే అనుభవజ్ఞుడైన గెహ్లోత్ పరిస్థితిని తిరిగి తన వైపు అకర్షించుకునేలా ప్రకటన చేశారు.
దీంతో నిశ్చేష్టుడైన గహ్లోత్.. బదిలీల కోసం ఉపాధ్యాయులు ముడుపుల చెల్లించామంటూ వచ్చిన ఆరోపణలపై విచారణ జరుపుతామంటూ హామీ ఇచ్చారు. ‘బదిలీల కోసం ఉపాధ్యాయులు లంచాలు ఇవ్వాల్సి రావడం దురదృష్టకరమని అన్నారు. అయితే ఇకపై ఇలాంటి పరిస్థితులు ఉత్పన్నం కాకుండా త్వరలో ఒక పారదర్శకతతో కూడిన విధానాన్ని ప్రకటిస్తామని ప్రకటించారు. భవిష్యత్తులో బదిలీల కోసం ఏ ఉపాద్యాయుడు తమ జేబులోంచి నయాపైసా ఖర్చుపెట్టాల్సి రాకుండా ఈ విధానం చేసేలా చర్యలు తీసుకుంటామని అన్నారు. ఆ వెంటనే రాజస్థాన్ విద్యాశాఖ మంత్రి గోవింద్‌ సింగ్ దోతస్రా కూడా ముఖ్యమంత్రి నేతృత్వంలో ఆ విధానాన్ని త్వరగా తీసుకువచ్చేందుకు తాను పూనుకుంటానని ప్రకటించారు. ఈ వీడియో ఆన్‌లైన్‌లో వైరల్‌గా మారింది.
जयपुर में शिक्षक समारोह में शिक्षा मंत्री की मौजूदगी में राजस्थान के मुख्यमंत्री अशोक गहलोत ने पूछा कि, ट्रांसफ़र के पैसे देने पड़ते ?
— Aadesh Rawal (@AadeshRawal) November 16, 2021
सभी शिक्षक बोले, हाँ pic.twitter.com/khgHVHczhG
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
GOLD : Rs./gm
