ITEMVIDEOS: ప్రకాశం జిల్లాలో అమరావతి రైతుల మహాపాదయాత్రపై పోలీసుల లాఠీచార్జీ

Posted: 11/11/2021 04:55 PM IST

Prakasam district police lathi charge on amaravati farmers

ఆంధ్రప్రదేశ్ రాష్ట్ర ఏకైక పూర్తిస్థాయి రాజధానిగా అమరావతిని కొనసాగించాలని డిమాండ్ చేస్తూ రెండేళ్లుగా నిరసన ప్రదర్శనలు చేస్తున్న ఆప్రాంత రైతులు తిరుపతి వరకు 45 రోజుల మహాపాదయాత్రను నిర్వహిస్తూ కాలిబాటన తిరుపతికి పయనమయ్యారు. పది రోజుల తరువాత ఇవాళ ప్రకాశం జిల్లాలోకి అడుగుపెట్టిన రైతులను పోలీసులు అడ్డుకున్నారు. అయితే రైతులు అగకుండా ముందుకు కదలుతుండటంతో స్థానికంగా ఉద్రిక్త పరిస్థితులు అలుముకున్నాయి. పాదయాత్రగా ముందుకు సాగుతున్న రైతులపై ప్రకాశం జిల్లా నాగులుప్పలపాడు మండలం చదవాడ వద్ద రైతులపై పోలీసులు లాఠీలను ఝుళిపించారు.

పోలీసుల విచక్షనారహిత లాఠీచార్జీపై రైతులు ఎదురుతిరిగారు. ఎందుకు దాడి చేస్తున్నారని, తాము నేరస్థులం కాదని, తమ పాదయాత్రకు రాష్ట్రోన్నత న్యాయస్థానం హైకోర్టు కూడా అనుమతినిచ్చిందని చెప్పారు. అయినా పోలీసులు లాఠీచార్జీ చేశారు. ఈ తరుణంలో రైతులకు పోలీసులకు మధ్య తోపులాట జరిగింది. అయినా వెనక్కుతగ్గని రైతులు ముందకు కలిలే ప్రయత్నం చేశారు. ఈ క్రమంలో ముందుకు కదులుతున్న రైతుపై పోలీసు లాఠీతో కొట్టడంతో.. సంతనూతలపాడుకు చెందిన రైతు ఆళ్ల నాగార్జున అనే రైతు చేయి విరిగింది. దీంతో అమరావతి రైతులు పోలీసులు తీరుపై తీవ్ర ఆగ్రహాన్ని వ్యక్తం చేశారు,

ఇక మరోవైపు మహాపాదయాత్రగా కదిలివెళ్తున్న అమరావతి రైతులకు ప్రతీ గామంలోని రైతుల నుంచి అనూహ్య స్పందన లభిస్తోంది. స్థానిక రైతులు పెద్దఎత్తున్న వారికి మద్దతు పలుకుతున్నారు. అమరావతి రైతులను తమ గ్రామంలోకి రాగానే వారికి డప్పు చప్పుళ్లతో ఎదుర్కోని తమ గ్రామ పోలిమేర దాటే వరకు వారి వెంట వెళ్తున్నారు. అయితే ఇలా గ్రామాల వారీగా రైతులు అమరావతి రైతులకు మద్దతునిస్తున్న నేపథ్యంలో పోలీసులు వారిని అడ్డుకునే ప్రయత్నం చేస్తున్నారు. ఎక్కడికక్కడ రోడ్లను దిగ్భంధించి చెక్ పోస్టులు ఏర్పాటు చేశారు. పోలీసుల ఆంక్షల మధ్య రైతుల పాదయాత్ర కోనసాగుతోంది.