Maganti Babu’s son Maganti Ravindra found dead టీడీపీ నేత మాగంటి బాబు ఇంట మరో విషాదం..

Former andhra mp maganti babu s son found dead in hotel in hyderabad

alcoholism, Eluru MP, Maganti Babu, Maganti Ravindranath Chowdary, Telugu Desam Party, Chandrababu, Nara Lokesh, Banjara hills police, Osmania Hopital, Park hyatt Hotel, Hyderabad, Telangana, Crime

The younger son of Telugu Desam Party’s former Eluru MP, Maganti Babu, Maganti Ravindranath Chowdary, was found dead on the premises of a star hotel in Banjara Hills.

టీడీపీ నేత మాగంటి బాబు ఇంట మరో విషాదం..

Posted: 06/02/2021 10:03 AM IST
Former andhra mp maganti babu s son found dead in hotel in hyderabad

టీడీపీ సీనియర్ నేత, మాజీ ఎంపీ మాగంటి బాబు కుటుంబంలో మరోసారి విషాదం చోటుచేసుకుంది. ఆయనను పుత్రశోకం వెంటాడుతోంది. మాగంటి బాబు రెండో కుమారుడు రవీంద్రనాథ్ చౌదరి అనుమానాస్పద స్థితిలో విగతజీవుడై కనిపించాడు. హైదరాబాదులోని పార్క్ హయత్ హోటల్ లో రవీంద్రనాథ్ చౌదరి రక్తపు వాంతులు చేసుకుని చనిపోయినట్టు ప్రాథమికంగా గుర్తించారు. హోటల్ సిబ్బంది రవీంద్రనాథ్ రక్తపు వాంతులు చేసుకోవడాన్ని గుర్తించి వెంటనే బంజారాహిల్స్ పోలీసులకు సమాచారం అందించారు.

హుటాహుటిన వచ్చిన పోలీసులు రవీంద్రనాథ్ ను ఆసుపత్రికి తరలించేందుకు ఏర్పాట్టు చేస్తుండగానే ఆయన మరణించారు. దీంతో రవీంద్రనాథ్ మృతదేహాన్ని పోలీసులు ఉస్మానియా జనరల్ అసుపత్రికి పోస్టుమార్టం నిమిత్రం తరలించారు. అయితే రవీంద్రనాథ్ బాగా మధ్యం సేవించేవాడని సమాచారం. అతిగా మధ్యం సేవించిన కారణంగా ఇటీవలే ఆయనకు అసుపత్రిలో చికిత్స కూడా చేయించారు. అయితే ఆయన చికిత్స పూర్తి కాకుండానే అసుపత్రి నుంచి వచ్చేశాడని సమాచారం. కాగా అప్పటి నుంచి హైదరాబాదులోని స్టార్ హోటల్ లోనే వుంటూ వచ్చాడు. బంజారాహిల్స్ పోలీసులు కేసు నమోదు చేసుకుని దర్యాప్తు చేస్తున్నారు.

ఇటీవలే మాగంటి బాబు పెద్దకుమారుడు రాంజీ కన్నుమూశారు. ఇప్పుడు రెండో కుమారుడు కూడా చనిపోవడంతో మాగంటి బాబు కుటుంబం తల్లడిల్లిపోతోంది. కాగా, రవీంద్రనాథ్ చౌదరి మృతి పట్ల టీడీపీ జాతీయ ప్రధాన కార్యదర్శి నారా లోకేశ్ స్పందించారు. మాజీ ఎంపీ మాగంటి బాబు రెండో కుమారుడు చనిపోయాడన్న మరణవార్తతో దిగ్భ్రాంతికి గురైనట్టు వెల్లడించారు. ఇటీవల పెద్ద కొడుకు రాంజీ మరణంతో శోకసంద్రంలో ఉన్న మాగంటి బాబు కుటుంబంలో రవీంద్రనాథ్ మృతి అంతులేని విషాదాన్ని మిగిల్చిందని పేర్కొన్నారు. వారి కుటుంబ సభ్యులకు ప్రగాఢ సంతాపం తెలియజేస్తున్నట్టు వివరించారు.

If you enjoyed this Post, Sign up for Newsletter

(And get your daily news straight to your inbox)

Other Articles