మళ్లీ పెరిగిన ఇంధన ధరలు.. రికార్డు దిశగా పయనం..

Posted: 05/10/2021 02:05 PM IST

ఇంధన ధరలను ఇకపై పెంచేది లేదని, ధరల పెంపుకు ప్రత్యామ్నాయ మార్గాలను అన్వేషిస్తున్నామని ఐదు రాష్ట్రాల అసెంబ్లీ ఎన్నికల ముందు బీరాలు పోయిన కేంద్ర ప్రభుతం.. ఎన్నికల ఫలితాలు వెలువడిన తరువాత వరుసగా ఇంథన దరలను పెంచూతూ వస్తోంది. ఈ క్రమంలో శని, అది వారాలు ధరల పెంపుకు బ్రేకులు వేసిన ఇంధన సంస్థలు ఇవాళ మరోమారు వాటిని విదిల్చాయి. దీంతో దేశంలోని పలు రాష్ట్రాలలో ఇప్పటికే పెట్రోలు ధర లీటరుకు వంద రూపాయల మార్కును ధాటింది. అన్ లాక్ నేపథ్యంలో గత ఏడాది జూన 1 నుంచి అంతకంతకూ పెరుగుతూ వస్తున్నాయి.

అంతర్జాతీయంగా పెద్దగా ధరల ప్రభావం లేకపోయినా దేశంలో మాత్రం ఇంధన ధరలకు రెక్కలు వస్తున్నాయి. వారంతపు సెలవులో యధాతథంగా కొనసాగిన ఇంధన ధరలు ప్రస్తుతం మరోమారు పెరిగాయి. ఈ మేరకు పెట్రోల్‌, డీజిల్ ధరలను పెంచుతూ చమురు సంస్థలు నిర్ణయం తీసుకున్నాయి. లీటరు పెట్రోల్‌పై 26 పైసలు.. లీటరు డీజిల్ పై 33 పైసల మేర ధరను పెంచాయి. దీంతో దేశ రాజధాని ఢిల్లీలో లీటరు పెట్రోల్‌ రూ.91.53 కి చేరగా, లీటరు డీజిల్ ధర రూ.82.06కు చేరింది. దీంతో పలు నగరాల్లో పెట్రోల్ ధర ఏకంగా రూ.100 మార్కును దాటగా, పలు నగరాల్లో 100 మార్కును అందుకునేందుకు పరుగులు తీస్తోంది, తాజాగా దేశవ్యాప్తంగా మెట్రో నగరాలతో పాటు తెలుగు రాష్ట్రాల్లో ఇంధన ధరలు ఎలా వున్నాయంటే...

ఢిల్లీలో లీటరు పెట్రోల్ ధర 91.53గా నమోదు కాగా, లీటరు డీజిల్ ధర రూ. 82.06కు చేరింది.

ముంబైలో లీటరు పెట్రోల్ ధర 97.86గా నమోదు కాగా, లీటరు డీజిల్ ధర రూ. 89.17కు చేరింది.

చెన్నైలో లీటరు పెట్రోల్ ధర 93.38గా నమోదు కాగా, లీటరు డీజిల్ ధర రూ. 86.96కు చేరింది.

కొల్ కతాలో లీటరు పెట్రోల్ ధర 91.66గా నమోదు కాగా, లీటరు డీజిల్ ధర రూ. 84.90కు చేరింది.

అమరావతి గుంటూరులో పెట్రోల్ ధర రూ, 97.53 కాగా, లీటరు డీజిల్ ధర రూ. 91.21కు చేరింది.

విశాఖపట్నంలో లీటరు పెట్రోల్ ధర 96.18గా నమోదు కాగా, లీటరు డీజిల్ ధర రూ. 89.91కు చేరింది.

హైదారాబాద్ లో లీటరు పెట్రోల్ ధర 95.13గా నమోదు కాగా, లీటరు డీజిల్ ధర రూ. 89.47కు చేరింది.

దేశంలోని రాజస్థాన్, మధ్యప్రదేశ్ రాష్ట్రాల్లో పెట్రోల్ ధర ఏకంగా వంద మార్కును ధాటింది.