మళ్లీ పెరిగిన ఇంధన ధరలు.. తెలుగు రాష్ట్రాల్లో రూ, 85 ధాటిన పెట్రోల్

Posted: 11/28/2020 05:25 PM IST

ఇంధన ధరలు వరుసగా పెరుగుతున్నాయి. అన్ లాక్ నేపథ్యంలో జూన 1 నుంచి అంతకంతకూ పెరుగుతూ వచ్చిన ఇంధన ధరలకు విపక్షాల అందోళనలు కాసింత కళ్లాలు వేశాయి, అయితే ప్రస్తుతం మరోమారు ఇంధన ధరలు పెరిగాయి. తోమ్మిది రోజుల వ్యవధిలో ఎనమిదవ పర్యాయం పెట్రోల్‌ ధరను పెంచుతూ చమురు సంస్థలు నిర్ణయం తీసుకున్నాయి. లీటరు పెట్రోల్‌పై 24 పైసలు.. లీటరు డీజిల్ పై 28 పైసల మేర ధరను పెంచాయి. దీంతో దేశ రాజధాని ఢిల్లీలో లీటరు పెట్రోల్‌ రూ.82.13 కి చేరగా, లీటరు డీజిల్ ధర రూ.72.13కు చేరింది. గత తొమ్మది రోజుల్లో చమురు సంస్థలు లీటరు పెట్రోలుపై 1.07 పైసలు పెంచగా, డీజీల్ పై రూ.1.67 పెంచాయి. దీంతో పలు నగరాల్లో పెట్రోల్ ధర ఏకంగా రూ.89ను అందుకునేందుకు పరుగులు తీస్తోంది.

మరోవైపు గత కొంత కాలంగా స్థిరంగా కోనసాగుతూ.. రూ. 80 అటుఇటుగా సాగిన పెట్రోల్ ధరరెండు వారాలుగా డీజిల్‌ ధరలు స్థిరంగా కొనసాగుతుండటం విశేషం. ఢిల్లీలో లీటరు డీజిల్‌ ధర రూ.72.13గా ఉంది. పలు నగరాల్లో డీజిల్ ధర ఏకంగా రూ.81 దాటింది. అంతర్జాతీయంగా పెట్రోల్‌ ధరలు పెరుగుతుండటం.. బ్యారెల్‌ ముడి చమురు ధర 39.30 డాలర్లు దాటడం వల్ల దేశీయ చమురు సంస్థలు ధరల్లో సవరణలు చేసినట్లు తెలుస్తోంది. కోవిడ్ వ్యాక్సీన్ అభివృద్దిపై సానుకూల ఫలితాలు వస్తున్నాయన్న సంకేతాలతో ఇంధర ధరలకు రెక్కలు వస్తున్నాయి, అంతర్జాతీయ ధరలకు అనుగూణంగా చమురు కంపెనీలు ఇంధన ధరల్లో రోజువారీ మార్పులు చేయడంతో ధరల పెరుగుదల ప్రభావం దేశీయంగానూ ప్రభావాన్ని చూపుతోంది, తాజాగా దేశవ్యాప్తంగా మెట్రో నగరాలతో పాటు తెలుగు రాష్ట్రాల్లో ఇంధన ధరలు ఎలా వున్నాయంటే...

ఢిల్లీలో లీటరు పెట్రోల్ ధర 82.13గా నమోదు కాగా, లీటరు డీజిల్ ధర రూ. 72.13కు చేరింది.

ముంబైలో లీటరు పెట్రోల్ ధర 88.81గా నమోదు కాగా, లీటరు డీజిల్ ధర రూ. 78.66కు చేరింది.

చెన్నైలో లీటరు పెట్రోల్ ధర 85.13గా నమోదు కాగా, లీటరు డీజిల్ ధర రూ. 77.56కు చేరింది.

కొల్ కతాలో లీటరు పెట్రోల్ ధర 83.67గా నమోదు కాగా, లీటరు డీజిల్ ధర రూ. 75.70కు చేరింది.

అమరావతి గుంటూరులో పెట్రోల్ ధర రూ, 88.41 కాగా, లీటరు డీజిల్ ధర రూ. 81.24కు చేరింది.

విశాఖపట్నంలో లీటరు పెట్రోల్ ధర 88.22గా నమోదు కాగా, లీటరు డీజిల్ ధర రూ. 81.07కు చేరింది.

హైదారాబాద్ లో లీటరు పెట్రోల్ ధర 85.42గా నమోదు కాగా, లీటరు డీజిల్ ధర రూ. 78.71కు చేరింది.

దేశంలోని ఔరంగాబాద్, భూపాల్, నాగ్ పూర్, నాసిక్, కోల్హాపూర్, ఇండోర్, జైపూర్ నగరాల్లో లీటరు పెట్రోల్ ధర ఏకంగా రూ.90 మార్కుకు చేరువలో వుంది. అదే విధంగా ఔరంగాబాద్, భూపాల్, భువనేశ్వర్, గువహటి, హైదారబాద్, ఇండోర్, ముంబై, నాగ్ పూర్, థానే, విశాఖపట్నం నగరాల్లో డీజిల్ ధర లీటరుకు ఎనబై రూపాయలు దాటగా, జైపూర్ లో మాత్రం ఏకంగా రూ.82 దాటింది.