తాడేపల్లి క్యాంపు కార్యాలయంలో భేటీ

Posted: 06/07/2019 12:51 PM IST

ఆంధ్రప్రదేశ్‌ నూతన మంత్రివర్గం రేపు కొలువుదీరనుంది. ముందుగా మహానేత వైఎస్‌ రాజశేఖర్‌రెడ్డి విగ్రహానికి పూలమాల వేసి వైఎస్‌ జగన్‌ నివాళులు అర్పించారు. తాడేపల్లిలోని క్యాంపు కార్యాలయంలో జరుగుతున్న ఈ భేటీలో 151 మంది వైఎస్సార్‌సీపీ ఎమ్మెల్యేలు, ఏడుగురు ఎమ్మెల్సీలు పాల్గొన్నారు. ఈ సందర్భంగా పార్టీ ఎమ్మెల్యేలకు జగన్‌ ఈ సమావేశంలో దిశానిర్దేశం చేయనున్నారు.  అయితే, జగన్‌ కేబినెట్‌లో ఐదుగురు డిప్యూటీ  సీఎంలు ఉంటారని తెలుస్తోంది. ఉప ముఖ్యమంత్రులుగా ఎస్సీ, ఎస్టీ, బీసీ, కాపు, మైనార్టీ వర్గాలకు అవకాశం లభించనున్నట్లు తెలుస్తోంది.  25 మందితో పూర్తి స్థాయి మంత్రివర్గాన్ని నియమించనున్న జగన్‌. ఈ నెల 8వ తేదీన 25 మంది మంత్రులతో ప్రమాణ స్వీకారం చేయిస్తారని తెలుస్తోంది. మరో వైపు మంత్రివర్గంలో ఎవరికి స్థానం దక్కుతుందోనని ఎమ్మెల్యేలు ఉత్కంఠగా ఎదురు చూస్తున్నారు.