ఆప్ నేత నవీన్ దాస్ సజీవ దహనం..

Posted: 10/06/2018 12:24 PM IST

ఆమ్ ఆద్మీ పార్టీ నేత, యూపీకి చెందిన నవీన్ దాస్ (25) దారుణ హత్యకు గురయ్యారు. రాజకీయంగా ఎదుగుతున్న ఆయనను ప్రత్యర్థులు జీర్ణంచుకోలేక ఆయన కారులోనే ఆయనను సజీవ దహనం చేశారు. బో     ప్రా ప్రాంతంలోని సహీదాబాద్ రోడ్డులో ఆయన తన కారులో ప్రయాణిస్తున్న వేళ ఈ ఘటన జరిగింది. ఆయన్ను ఓ పథకం ప్రకారం కారులో ఎక్కించి, బయటి నుంచి లాక్ చేసి నిప్పంటించి వుంటారని బంధువులు అనుమానిస్తున్నారు.

వివరాలు.. బోప్రాలో ఓ కారుకు నిప్పంటించి ఉండటం గమనించిన స్థానికులు పోలీసులకు సమాచారం ఇచ్చారు. దీంతో అక్కడికి పోలీసులు మంటలార్పి లోపల ఉన్న వ్యక్తిని బయటికి తీసేందుకు ప్రయత్నించారు. కానీ అప్పటికే అతడు మృతి చెందాడు. కారు నంబరు ఆధారంగా మృతుడిని ఆప్‌ నేత నవీన్‌ దాస్ గా గుర్తించారు పోలీసులు. ఈ విషయాన్ని అతడి కుటుంబ సభ్యులకు తెలియజేశారు. నవీన్ ఎదుగుదలను జీర్ణంచుకోలేక ఈ దారుణాన్ని ప్రత్యర్థులు ఒడిగట్టారని వారు అరోపిస్తున్నారు.

తన సోదరుడు రాజకీయంగా ఎదుగుతూ ఉండటంతో ఓర్చుకోలేని ప్రత్యర్థులు ఈ హత్యకు పాల్పడ్డారని సవీన్ సోదరి ఆరోపించారు. రాత్రి 12 గంటలకు ఫోన్‌ రావడంతో అతడు బయటికి వెళ్లాడని, కానీ ఇంతలోనే ఇలా జరుగుతుందని ఊహించలేదని ఆవేదన వ్యక్తం చేశారు. కాగా నవీన్‌ దాస్‌ను కారులోకి ఎక్కించి, బయటి నుంచి లాక్‌ చేసి నిప్పంటించి ఉంటారని పోలీసులు భావిస్తున్నారు. కేసును అన్ని కోణాల్లోనూ విచారిస్తున్నామని పోలీసులు తెలిపారు. నవీన్ కుటుంబాన్ని ఆప్ కన్వీనర్ అరవింద్ కేజ్రీవాల్ పరామర్శించారు.