ITEMVIDEOS: పోకిరి పోలీసు.. కామాంధుడికి ఎక్కువ.. మీరే చూడండీ

Posted: 09/21/2018 02:40 PM IST

Home guard inappropriately touching women and girls on busy street

ఈవ్ టీజింగ్, అమ్మాయిలను లైంగిక వేధింపులకు గురిచేసే పోకిరీలను కటకటాల వెనక్కి నెట్టి.. వారికి తామున్నామన్న భరోసాను కల్పించేదే పోలీసు వ్యవస్థ. ఆ వ్యవస్థలో క్షేత్రస్థాయిలో శాంతిభద్రతలను పర్యవేక్షించాల్సిన బాధ్యత కింది స్థాయి సిబ్బందిపైనే వుంటుంది. అలాంటి బాధ్యతలను నిర్వహిస్తున్న ఓ దిగువస్థాయి సిబ్బంది.. తన వంటిపై ఖాకీ దుస్తులు ఉన్నాయన్న సోయి కూడా మర్చిపోయి మరీ ఏం చేస్తున్నాడో చూస్తే.. అవేశం కట్టలు తెంచుకోకతప్పదు.

బాధ్యతాయుతమైన పోలీసు వ్యవస్థలో భాగంగా ఉండి, మహిళలకు, విద్యార్థినులకు రక్షణ కల్పించాల్సిన ఓ హోమ్ గార్డు, విధులు నిర్వహిస్తూ, తనలోని కామాంచకు తెరలేపాడు. కొచ్చిలో అత్యంత రద్దీగా వుండే తివారాలో ఓ చర్చి ముందు వీధిలో విధులు నిర్వహిస్తున్న శివకుమార్‌ అనే హోమ్ గార్డు, అటుగా వెళుతున్న మహిళలు, బాలికలను అసభ్యంగా తాకుతూ వేధించగా, అక్కడున్న ఓ వ్యక్తి తన సెల్ ఫోన్ లో దీన్ని తీసి సోషల్ మీడియాలో అప్ లోడ్ చేశాడు.

దీంతో ఈ ఘటన వెలుగులోకి రాగా, సదరు హోమ్ గార్డు చేసిన పనిపై సర్వత్రా విమర్శలు వెల్లువెత్తుతున్నాయి. ఎలమక్కరాకు చెందిన శివకుమార్ వయసు 58 సంవత్సరాలు కాగా, తన మనవరాళ్ల వయసులో ఉండి, పాఠశాలలకు వెళుతున్న విద్యార్థినులను కూడా వదల్లేదు. ఈ వీడియోపై నెటిజన్ల నుంచి విమర్శలు వెల్లువెత్తడంతో, సీటి పోలీస్‌ కమిషనర్‌ సీరియస్‌ అయ్యారు. శివకుమార్‌ను విధుల నుంచి తొలగించడంతో పాటు, ఐపీసీ 354, పోక్సో చట్టంలోని 7, 8 సెక్షన్ల కింద కేసులు నమోదు చేయించారు.