ఆశారాంకు విధించిన శిక్షపై ఐటమ్ బాంబ్ పెదవివిరుపు

Posted: 04/27/2018 01:40 PM IST

బాలీవుడ్ వివాదాస్పద నటిగా, ఐటమ్ బాంబ్ గా పేరొందిన నటి రాఖీ సావంత్ సంచలన వ్యాఖ్యలు చేసింది. అత్యాచారం కేసులో ఆధ్యాత్మిక గురు ఆశారాం బాపుకు జీవితఖైదు పడిన నేపథ్యంలో అమె పెదవి విరిచింది. అయితే న్యాయవ్యవస్థపై, న్యాయస్థానం తీర్పుపై హర్షం వ్యక్తం చేసిన అమె.. మైనర్ బాలికలపై అఘాయిత్యాలకు పాల్పడే వారికి ఉరి శిక్ష సరైందని అభిప్రాయపడింది. తాజాగా అందుబాటులోకి వచ్చిన కొత్త చట్టం ప్రకారం అశారాం బాపును శిక్షించాల్సిందని అభిప్రాయపడింది.

ప్రస్తుతం సమాజంలో ఏ మగవాడిని చూసినా అతను కామాంధుడేనా అన్నట్లుగా ప్రశ్నలు ఉత్పన్నమవుతున్నాయిని.. భయం వేస్తుందని.. ఎవరు అప్తుడో.. ఎవరు మగమృగమో ఎలా కనిపెట్టేదని అమె భయాందోళన వ్యక్తం చేశారు. అయితే చిన్న పిల్లలపై అత్యాచారాలకు పాల్పడేవారికి ఉరిశిక్షే సరైనదని ఆమె అభిప్రాయపడింది. మైనర్ లపై అఘాయిత్యాలకు పాల్పడే వారికి కఠిన శిక్షలు విధించాలని ప్రభుత్వం చెబుతోందని... ఈ నేపథ్యంలో ఆశారాం బాపుకు ఉరిశిక్షే సరైనదని చెప్పింది.

మైనర్ బాలికల జీవితాలను చిదిమేసే వారిని వదలకూడదని తెలిపింది. ఆశారాంకు విధించిన శిక్ష...రేపిస్టులకు ఒక హెచ్చరిక అని రాఖీ సావంత్ చెప్పింది. తాము సంప్పన్నులం, అధికార పలుకుబడి కూడా కలిగిన వాళ్లం.. తాము ఏం చేసినా చెల్లుతుంది.. చట్టం, న్యాయం తమవైపే వుంటాయని భ్రమల్లో బతికే వారికి ఈ తీర్పు చెంపపెట్టని అమె పేర్కొంది. అయితే కతువా రేపిస్టులను కూడా ఉరి తీయాలని, అలా చేస్తే తాను జీవితాంతం బీజేపికి ఓటు వేస్తానని రాఖీ వెల్లడించింది.