ITEMVIDEOS: జూబ్లిహిల్స్‌లో పట్టపగలే చోరీ

Posted: 01/04/2018 05:19 PM IST

హైద‌రాబాద్‌లోని జూబ్లిహిల్స్‌లో ఈ మధ్యాహ్నాం దారుణ ఘ‌ట‌న చోటు చేసుకుంది. ప‌ట్ట‌ప‌గ‌లే అంద‌రూ చూస్తుండ‌గానే న‌డిరోడ్డుపై దోపిడీ జ‌రగడం కల‌క‌లం రేపుతోంది.

ముగ్గురు దుండగులు ఓ వ్య‌క్తిని బెదిరించి ద్విచ‌క్ర వాహ‌నం, ప‌ర్సు, రెండు సెల్‌ఫోన్ల‌ను కొట్టేసి పారిపోయారు. బాధితుడు ప్ర‌తిఘ‌టించిన‌ప్ప‌టికీ లాభం లేకుండా పోయింది. దుండ‌గులు క‌త్తితో బెదిరిస్తూ ఈ దోపిడీకి పాల్ప‌డ్డారు. రోడ్డుపై వెళుతోన్న ఇత‌ర వాహ‌న‌దారులు చూస్తూ నిల‌బ‌డ్డారే కానీ, ఎవ్వ‌రూ అడ్డుకునేందుకు యత్నించలేదు. ఇందుకు సంబంధించిన దృశ్యాలు అక్క‌డి సీసీ కెమెరాకు చిక్కాయి.

బాధితుడి ఫిర్యాదు మేరకు  ఘ‌ట‌న‌పై కేసు న‌మోదు చేసుకున్న పోలీసులు ద‌ర్యాప్తు ప్రారంభించారు.