మంచు లక్ష్మీ ఐక్యూ సూపర్.. జీఎస్టీ ట్విట్టు వైరల్..

Posted: 12/19/2017 12:49 PM IST

గుజరాత్ లో తాము మొత్తం 150 సీట్లను సాధిస్తామని చెప్పిన బీజేపి ఆ రాష్ట్ర ప్రజలు కేవలం 99 స్థానాలను మాత్రమే ఇవ్వడంతో ఇప్పటికే పార్టీ నేతలు పోస్టుమార్టం సమావేశాలు నిర్వహణకు రంగం సిద్దం చేసుకున్నారు. ఈ ఫలితాలపై 22 ఏళ్ల తరువాత కూడా తమ పార్టీ, ప్రభుత్వం పక్షానే ఆ రాష్ట్ర ప్రజలు వున్నారని, ఇది సంతోషించదగిన పరిణామమని బీజేపి నేతలు చెబుతున్నా.. నోట్ల రద్దు, జీఎస్టీ ప్రభావం మాత్రం చాలానే వుందని ఫలితాలు స్పష్టం చేస్తున్నాయని విశ్లేషకులు అంచనా వేస్తున్నారు.

ఈ క్రమంలో కాంగ్రెస్ నేతలు ప్రధాని నరేంద్ర మోడీ రెండో విడతకు ముందు చేసిన అఘాయిత్యపు వ్యాఖ్యలే తమ అంచనాలను దెబ్బతీశాయని కూడా అంటున్నారు. అయితే ఈ ఎన్నికలపై నటి, నిర్మాత, వ్యాపారవేత్త మంచు లక్ష్మి చేసిన ట్విట్ ఇప్పుడు వైరల్ గా మారింది. బీజేపి నేతలు 150 సీట్లు సాధిస్తామని చెప్పిన క్రమంలో కేవలం 99 స్థానాలను మాత్రమే పరిమితమైన నేపథ్యంలో అమె బీజేపికి వారు తీసుకువచ్చిన అర్థిక సంస్కరణ తాలూకు విషయాన్ని ఊటంకిస్తూ చేసిన ట్విట్ ఇప్పుడు వైరల్ గా మారింది.

'ఫౌండ్ దిస్ ఫన్నీ' అంటూ, అమె ఈ ట్విట్ చేశారు. 182 సీట్లున్న గుజరాత్ లో అమిత్ షా 150 సీట్లను అడిగారు. గుజరాత్ ప్రజలు మొత్తం సీట్ల నుంచి 28 శాతం జీఎస్టీని తీసేసి 99 సీట్లు ఇచ్చారు. అంటూ 150లో 28 శాతం తీసేస్తే మిగిలేది 99 సీట్లని గుర్తు చేశారు. 182లో 28 శాతం అంటే 51 అవుతుంది. బీజేపీ అడిగిన 150 సీట్లలో 51 సీట్లను తీసేస్తే మిగిలేది 99. అవే బీజేపీకి వచ్చాయన్న అర్థంలో మంచు లక్ష్మి పెట్టిన ట్వీట్ ఇప్పుడు నెట్టింట్లో సంచలనంగా మారింది.

Found this funny..
Amit shah asked for 150 seats out of 182 in Gujarat.
Gujju people gave him 99 after deducting 28% GST.
182 * 28%= 51, 150-51=99...

— Lakshmi Manchu (@LakshmiManchu) December 19, 2017