వివాహితపై దారుణం.. అటో డ్రైవర్ పైనే అనుమానం..

Posted: 11/30/2017 10:34 AM IST

వరంగల్ జిల్లాలో వివాహితపై దారుణం జరిగింది. అమెతో పరిచయం వున్న అటోడ్రైవర్ అమెను నమ్మించి నిర్జన, నిర్మానుష్య ప్రాంతానికి తీసుకెళ్లి అమె చేతులు కాళ్లు కట్టేసి అత్యంత కిరాతకంగా అమెపై యాసిడ్‌ దాడికి పాల్పడ్డాడు. వరంగల్‌ అర్బన్‌ జిల్లా ఐనవోలు మండలం గర్మిళ్లపల్లి గ్రామ శివారులో చోటుచేసుకున్న ఈ ఘటన స్థానికంగా తీవ్ర కలకలం రేపింది. యాసిడ్ గాడికి తట్టుకోలేక వివాహిత పెడుతున్న అర్థనాధాలను అటుగా వెళ్లున్న కూలీలు విని స్థానిక సర్పంచ్ కు సమాచారం అందించారు.

సర్పంచ్ ఫిర్యాదుతో అటు అటు జఫర్‌గఢ్‌ పోలీసులతో పాటు ఇటు 108 అంబులెన్సు కూడా ఘటనాస్థలానికి చేరుకున్నాయి. అప్పటికీ అమ్లా దాడికి తట్టుకోలేక..అర్థానాధాలు పెడుతున్న వివాహిత అపస్మారక స్థితిలోకి జారుకుంది. పోలీసులు అమెను వరంగల్‌ ఎంజీఎం ఆసుపత్రికి తరలించగా, వైద్యులు ఆమెకు చికిత్స ప్రారంభించారు. ఒంటి పై కాలిన గాయాలతో శ్వాస తీసుకోవడంలో ఇబ్బంది పడుతుండటంతో కృత్రిమ శ్వాస అందిస్తున్నారు.

వరంగల్ జిల్లాలోని కరీమాబాద్ శాకరాశికుంటకు చెందిన బోయిన మాధురి (21) తన మేనమామ అయిన చంటిని మూడేళ్ల కిత్రం వివాహం చేసుకుంది. వీరికి ఏడాదిన్నర కూతురు ఉంది. భర్తతో మనస్పర్థల కారణంగా గత కొన్నాళ్లుగా పుట్టింట్లోనే వుంటూ హంటర్ రోడ్డులోని ఒక పెట్రోలు బంకులో పని చేస్తోంది. అమెను రోజు పెట్రోల్ బంకుకు తీసుకెళ్లే అటో డ్రైవర్ తో పరియం ఏర్పడింది. ఇది గమనించిన తల్లి మాధురిని ఉద్యోగం మాన్పించింది. ఈ క్రమంలో పక్కాప్రణాళికతో మాధురికి మాయమాటలు చెప్పి తన ఆటోలో గర్మిళ్ల్లపల్లిలోని నిర్మానుష్య ప్రదేశానికి తీసుకెళ్లాడు. తన స్నేహితుడితో కలిసి ఈ అఘాయిత్యానికి పాల్పడ్డట్టు పోలీసులు అనుమానిస్తున్నారు.