ITEMVIDEOS: ప్రైవేట్ బస్సులో మంటలు.. దగ్ధం.. ప్రయాణికులు సేఫ్..

Posted: 11/14/2017 12:23 PM IST

విజయనగరం జిల్లా భారీ అగ్నప్రమాదం సంభవించింది. శృంగవరపుకోట మండలం కిల్తంపాలెం మీదుగా వెళ్తున్న ఓ ప్రైవేట్‌ బస్సు షార్ట్ సర్క్యూట్ సంభవించి.. మంటలు చేలరేగాయి. దీనిని గమనించిన బస్సు సిబ్బంది వెంటనే ప్రయాణికులను అప్రమత్తం చేయడంతో ప్రయాణికులందరూ బస్సు నుంచి కిందకు దిగేయడంతో తృటిలో పెను ప్రమాదం తప్పంది. అయితే ఈ ఘటనలో బస్సు మాత్రం మంటలకు పూర్తిగా కాలి బుడిదైంది.

ఘటన వివరాల్లోకి వెళ్తే.. ఇవాళ ఉదయం సుమారు 25 మంది ప్రయాణికులతో విజయనగరం నుంచి అరకు వెళుతున్న విజయలక్ష్మి ప్రైవేట్ ట్రావెల్స్ బస్సులో హఠాత్తుగా మంటలు చెలరేగాయి. అయితే డ్రైవర్‌, ప్రయాణికులు అప్రమత్తంగా వ్యవహరించడంతో ప్రయాణికులు బస్సులోంచి దిగేశారు. డ్రైవర్ సహా బస్సు సిబ్బంది కూడా దిగిపోయిన తరువాత స్థానిక పోలీసులతో పాటు బస్సు యజమానికి కూడా డ్రైవర్ సమాచారం అందించారు.

అయితే అప్పటికే మంటలు చెలరేగడంతో బస్సు క్షణాల వ్యవధిలోనే పూర్తిగా దగ్ధమైంది. అగ్నిమాపక దళాలు ఘటనాస్థలానికి వచ్చే సరికి బస్సు బూడిదైంది. అయినా రంగంలోకి దిగిన అగ్నిమాపక సిబ్బంది మంటలను పూర్తిగా చల్లార్చివేశారు. బస్సులో షార్ట్ సర్క్యూట్ సంభవించడం వల్లే ఈ ప్రమాదం చోటుచేసుకుందని అగ్నిమాపక దళ సిబ్బంది చెప్పారు. అయితే ఈ ఘటనకు సంబంధించి పూర్తి వివరాలు తెలియాల్సి వుంది.