టెక్సాస్ చర్చిలో మారణ హోమం

Posted: 11/06/2017 08:51 AM IST

అమెరికాలో గన్ కల్చర్ తో మరోసారి మారణ హోమం చెలరేగింది. టెక్సాస్‌లో ఓ చర్చిలో ప్రార్ధనలు జరుగుతున్న సమయంలో తుపాకీ చేపట్టిన ఓ ఆగంతకుడు విచక్షణరహిత కాల్పులకు దిగాడు. ఘటనలో మొత్తం 26 మంది ప్రాణాలు కోల్పోయినట్లు సమాచారం.

మరో 20 మందికి పైగా గాయపడినట్లు అధికారులు చెబుతున్నారు. ఆదివారం సదర్‌లాండ్‌ స్ప్రింగ్స్‌లోని ఫస్ట్‌ బాపిస్ట్‌ చర్చిలో ఈ ఘటన చోటు చేసుకుంది. ఆ సమయంలో సుమారు 50 మంది ప్రార్ధనల్లో పాల్గొన్నట్లు తెలుస్తోంది. చర్చిలోకి నల్ల దుస్తుల్లో వచ్చిన అగంతకుడు విచక్షణా రహితంగా కాల్పులు జరిపాడు. చివరకు ఓ వ్యక్తి అతన్ని అడ్డుకోవడంతో మారణ హోమం ఉధృతి నిలువరించినట్లయ్యింది.

కాల్పుల ఘటన అనంతరం పారిపోతున్న ఆగంతుకుడిని భద్రతా సిబ్బంది మట్టుబెట్టారు. దుండగుడు మెక్సికన్ ఎయిర్‌ఫోర్స్‌లో పని చేసిన పాట్రిక్ కెల్లీ(26)గా అధికారులు గుర్తించారు. ఉగ్రదాడా? ఉన్మాద చర్య అన్నది తేలియాల్సి ఉంది.