యూపీలో కొత్త కొత్తగా బక్రీద్

Posted: 09/02/2017 02:57 PM IST

యోగి ఆదిత్యానాథ్ ప్రభుత్వంలో బక్రీద్ ను కొత్తగా జరుపుకుంటున్నారు. సంభల్ ప్రాంతంలో సబ్ డివిజనల్ మెజిస్ట్రేట్ జంతు వధపై నిషేధం విధిస్తూ.. గ్యాంగ్ స్టర్ యాక్ట్ ను ప్రయోగిస్తామని ప్రకటించిన విషయం తెలిసిందే. నిబంధనలను దిక్కరిస్తూ ఎవరైనా ఆవు, ఎద్దు, దున్నపోతు, ఒంటెలను బలి ఇస్తే వారిపై జైల్లో పెట్టడానికి కూడా కారణాలు అక్కర్లేదని ఆయన హెచ్చరించారు కూడా. ఇదే రీతిలో మరికొన్ని ప్రాంతాల్లో కూడా ఇలాంటి ఆదేశాలే ఇచ్చారు.

ఇక బ‌క్రీద్ పండుగ సంద‌ర్భంగా ప్రార్థ‌న‌ల త‌ర్వాత ఆత్మీయ ఆలింగ‌నాలు, క‌ర‌చాల‌నాల‌కు దూరంగా ఉండాల‌ని ఉత్త‌ర ప్ర‌దేశ్ ముస్లింల‌కు మ‌త పెద్ద‌లు సూచించారు. రాష్ట్రంలో రోజురోజుకీ పెరుగుతున్న హెచ్‌1ఎన్‌1 స్వైన్ ఫ్లూ వ్యాప్తిని క‌ట్ట‌డి చేయ‌డానికి వారు ఈ నిర్ణ‌యం తీసుకున్న‌ట్లు తెలుస్తోంది. రాష్ట్రంలో ఉన్న 75 జిల్లాల్లో 66 జిల్లాల్లో ఇప్ప‌టికే 2,300 మంది స్వైన్ ఫ్లూ బారిన ప‌డిన‌ట్లు స‌మాచారం. వారిలో 53 మంది వ‌ర‌కు మ‌ర‌ణించిన‌ట్లు రికార్డులు చెబుతున్నాయి. `ఈ ఒక్క ఏడాది సంప్ర‌దాయ ఆలింగ‌నాలను వ‌దిలేయాల‌ని ముస్లింలను మేం కోరుతున్నాం` అని సున్నీ మ‌త‌పెద్ద మౌలానా ఖ‌లీద్ ర‌షీద్ ఫిరంగి మ‌హాలీ మీడియాతో అన్నారు.

యూపీ జ‌నాభాలో 4 కోట్ల మంది ముస్లింలు ఉండగా వారు మాత్రం ఈసారి కాస్త విభిన్న రీతిలోనే బక్రీద్ ను జరుపుకుంటున్నారు. పండుగ సంద‌ర్భంగా పాటించే సంప్ర‌దాయాల వ‌ల్ల మ‌త విధానాలు దెబ్బతింటున్నాయని ఓ మత పెద్ద వ్యాఖ్యలు చేశారు.