ITEMVIDEOS:చెవిలో ఇయర్ ఫోన్.. ప్రాణం తీసింది

Posted: 08/08/2017 11:04 AM IST

ఢిల్లీలో ఘోరం చోటు చేసుకుంది. రెండేళ్ల చిన్నారిని ఓ మహిళ తన కారుతో గుద్దిచంపిన వీడియో వైరల్ అవుతోంది. నైరుతి ఢిల్లీలోని పాలం ప్రాంతంలో ఈ ఘటన బుధవారం చోటుచేసుకుంది.

దీపక్ అనే ఆ బాలుడి తల్లి చెప్పిన వివరాల ప్రకారం. సాధ్ నగర్ లో దీపక్ కుటుంబం నివసిస్తుంది. పిల్లాడికి భోజనం పెడుతుండగా ఆడుకుంటూ ఒక్కసారిగా అతగాడు రోడ్డుకు అడ్డంగా పరిగెత్తాడు. ఆ సమయంలో ఐ-20 కారులో ఓ 26 ఏళ్ల మహిళ దూసుకొచ్చింది. పిల్లాడి తల్లి ప్రీతి అరుస్తున్నా వినకుండా కారును ఎక్కించేసి ముందుకు వెళ్లింది. దీంతో కారు కింద పసికందు నలిగిపోయాడు.

 

ఆపై ఆ తల్లి అరుస్తూనే కారు వెంట పడి ఆపింది. ఆస్పత్రికి తరలించగా, అప్పటికే దీపక్ మృతి చెందినట్లు వైద్యులు నిర్ధారించారు. మెల్లిగా వెళ్లమంటూ మొత్తుకుంటున్నా.. లోపలున్న మహిళ చెవిలో ఇయర్స్ ఫోన్ పెట్టుకోవటంతో వినిపించుకోకపోవటంతో తన బిడ్డను చంపేసిందని ప్రీతి ఆరోపించింది. ఘటనపై ఫిర్యాదు నమోదు చేసుకున్న పోలీసులు మహిళను అరెస్ట్ చేసి ఆపై బెయిల్ పై విడుదల చేశారు. కారు నడిపిన మహిళకు డ్రైవింగ్ లైసెన్స్ కూడా లేదని సమాచారం.