ITEMVIDEOS:ట్రెయిన్ నే తోసేసి మరి కాపాడారు

Posted: 08/05/2017 08:04 AM IST

కని విని ఎరుగని ఓ అరుదైన ఘటన చైనా రాజధాని బీజింగ్ లో చోటు చేసుకుంది. రైలుకు, ప్లాట్‌ఫామ్‌కు మధ్య ఉన్న సందులో ప్రమాదవశాత్తూ ఇరుక్కుపోయాడు ఓ వ్యక్తి. అతన్ని కాపాడే యత్నంలో కాస్త అటు ఇటు అయితే ప్రాణాలు పోవటం ఖాయం. అలాంటిది ఆ వ్యక్తి కోసం అక్కడున్న వాళ్లంతా కలిసి చేసిన యత్నంపై ప్రశంసలు కురుస్తున్నాయి.

వేగంగా రైలు వస్తున్న సయమంలో ఓ వ్యక్తి అక్కడున్న సేఫ్టీ బారికేడ్లను దూకేశాడు. డ్రైవర్ సడన్ బ్రేకులు వేయటంతో ఓ వ్యక్తి రైలుకు, ఫ్లాట్ ఫామ్ కు మధ్యలో ఇరుక్కుపోయాడు. వెంటనే రంగంలోకి దిగిన రైల్వే సిబ్బంది అతని ప్రాణాలు కాపాడే యత్నం చేసింది. అయితే అది విఫలం కావటంతో అక్కడున్న ప్రయాణికులంతా కలిసి తలా ఒక చేయి వేశారు. ఏదో కారో, బస్సునో నెట్టినంత ఈజీ కాదు కదా.

 

అందుకే ఒకటి.. రెండు.. మూడు.. అంటూ బలంగా ముందుకు నెట్టి విజయం సాధించారు. అతనెందుకు దూకాడో కారణం తెలీనప్పటికీ మొత్తానికి ప్రాణాలతో బయటపడ్డాడు. గురువారం ఈ ఘటన జరగ్గా సోషల్ మీడియాలో ఈ వీడియో వైరల్ అవుతోంది. బీజింగ్‌లోని డోంగ్‌ఝిమెన్ స్టేషన్‌లో జరిగిందీ ఘటన.