ITEMVIDEOS:శిరీషను ఎవరూ రేప్ చేయలేదు

Posted: 07/07/2017 09:44 AM IST

బ్యూటీషియన్ శిరీష అలియాస్ విజయలక్ష్మి సూసైడ్ కేసులో అసలు నివేదిక రానే వచ్చింది. ఆమెపై అత్యాచారం జరిగిందన్న ఆరోపణలపై దుస్తులను ఫోరెన్సిక్ టెస్ట్ లకు పంపిన విషయం తెలిసిందే. ఈ నేపథ్యంలో కేసుకు కీలకం కానున్న ఆ నివేదిక కోసం అంతా ఆత్రుతగా ఎదురు చూశారు. మొన్న ప్రాథమిక రిపోర్ట్ లో రేప్ జరగలేదనే తేల్చగా, తుది నివేదిక వరకు వేచి చూడాల్సిందేనన్న పోలీసుల ప్రకటనతో అది మరింత నాటకీయంగా మారింది.

చివరకు నేడు రిలీజ్ చేసిన ఫైనల్ రిపోర్ట్ లోనూ ఆమెపై అత్యాచారం జరగలేదనే తేలిందని పోలీసులు ప్రకటించారు. అవి కేవలం ఆహారపు మరకలు మాత్రమేనని వెల్లడించారు. ఆర్జే స్టూడియోలో పార్ట్ టైం బ్యూటీషియన్ గా పని చేసే శిరీష ఆఫీస్ లోనే ఉరేసుకుని చనిపోయిన, ఆపై బంధువుల విమర్శలతో రంగంలోకి దిగిన పోలీసులు వారి అనుమానాలను నివృత్తి చేసే పనిలో పడ్డారు. ఆమె తల్లిదండ్రులు, భర్త, బంధువులను గురువారం కుకునూరుపల్లి పోలీస్ స్టేషన్‌కు తీసుకు వెళ్లారు. గొడవ అంతా పోలీస్ క్వార్టర్స్‌లో జరగలేదని, రెండు కిలో మీటర్ల దూరంలోనే అంతా జరిగిందని వారు బంధువులకు వివరించారు.

 

అంతేకాదు కాల్ లిస్ట్, మెసేజ్‌లు, ప్రింట్ ఆధారాలను వారికి పోలీసులు చూపించారు. అంతేకాదు, రెండ్రోజుల్లో ఫోరెన్సిక్ నివేదిక ఇస్తామని కూడా చెప్పటంతో వారు వేచి చూశారు. ఇంతలోనే రిపోర్ట్ రావటం, ఆమె అత్యాచారానికి గురి కాలేదన్న విషయం తేటతెల్లమైంది. ఇంకోపక్క తేజస్విని ని మరోసారి పిలిపించుకున్న టాస్క్ ఫోర్స్ పోలీసులు మరోసారి ఆమెను గట్టిగా విచారించినట్లు తెలుస్తోంది. అయితే తాను శిరీషను తప్పుకోవాలని మాత్రమే కోరానని, ఈ కేసుతో తనకేం సంబంధం లేదని తేజస్విని వాపోయిందంట. దీంతో శిరీషది సూసైడే అని కన్ఫర్మ్ కావటంతో కేసు క్లోజ్ అయినట్లేనని పలువురు అభిప్రాయపడుతున్నారు.