సమోసాల స్కాంతో రోడ్డుకెక్కిన సీఎం

Posted: 04/11/2017 10:50 AM IST

ఏదో ఒక వార్తతో హైలెట్ అవ్వటం ఢిల్లీ ముఖ్యమంత్రి అరవింద్ క్రేజీ వాల్ కు సర్వసాధారణంగా మారిపోయింది. ముఖ్యమంత్రిగా పగ్గాలు చేపట్టి రెండేళ్లు గడుస్తున్న సందర్భంగా ఇచ్చిన ఓ పార్టీతో వివాదాల్లోకి ఎక్కాడు. రాష్ట్రపతి, ప్రధానులు నిర్వహించే బఫెట్ల కన్నా విలాసవంతమైన పార్టీ ఇవ్వటమే అందుకు కారణం.

తాజ్ ప్యాలెస్ నుంచి క్యాటెరింగ్ తెప్పించి మరీ రెండు రోజులపాటు ఈ విలాసవంతమైన పార్టీని నిర్వహించాడంట. ఇందుకోసం 12,000 తల ఒక్కోక్కరికి 12,000 రూపాయలు ఖర్చు చేసినట్లు తెలుస్తోంది. ముందుగా 4.5 లక్షల ఖర్చు అవుతుందని భావించినప్పటికీ 11.04 లక్షలు ఖర్చైనట్లు లెక్కలు చూపారు. మంత్రులు, ఎమ్మెల్యేలు కార్యకర్తలు సహా అంతా దానికి హాజరయ్యారు.

కానీ, బీజేపీ నేత తాజిందర్ పాల్ సింగ్ బగ్గా మాత్రం ఆ లెక్క అంతకు మించే ఉందని చెబుతున్నాడు. అంతేకాదు ఏకంగా నగరం మొత్తం పోస్టర్లు పెట్టేశాడు. ఏడాదిన్నరగా కేవలం టీ, స్నాక్స్ కోసమే కోటి రూపాయలను ఆప్ ఖర్చు చేసిందని అందులో కార్టూన్లతో ప్రచారం చేస్తున్నాడు. ఇది ఇప్పటిదాకా అప్ డేట్ అయిన ఢిల్లీ సీఎంగారి సమోసా స్కాం వివరాలు. దీనిపై కేజ్రీవాల్ ఎలాంటి రియాక్షన్ ఇస్తాడో చూడాలి మరి.