మరోసారి వార్తల్లోకి పవన్ విగ్రహాం

Posted: 12/07/2016 02:21 PM IST

జనసేన అధినేత, ప్రముఖ సినీ నటుడు పవన్ కల్యాణ్ క్రేజ్ కా బాప్ అన్న సంగతి ప్రత్యేకంగా చెప్పాల్సిన పనిలేదు. రాజకీయాలతో అది మరింత పీక్స్ లోకి వెళ్లిపోగా, ఏపీలో ఏకంగా విగ్రహాలు పెట్టేస్థాయికి చేరిపోయింది. పశ్చిమగోదావరి జిల్లా తాడేపల్లిగూడెంలోని ఓ సెంటర్ లో ప్రతిష్టించిన సంగతి తెలిసిందే.

అయితే అలాంటివి ఇష్టం ఉండదని సున్నితంగా పవన్ చెప్పేయటం అభిమానులు ఆ విగ్రహాన్ని అలాగే వదిలేశారు. తమ అభిమాన హీరోకు నచ్చని పని చేయడమెందుకని... ముసుగుతో మూసేశారు. కానీ, తాజాగా ఆ విగ్రహానికి కప్పిన కవర్ కూడా చిరిగిపోయి సగం విగ్రహం బయటకు కనిపిస్తోంది.

ఈ ఫొటో ఇప్పుడు సోషల్ మీడియాలో సైతం చక్కర్లు కొడుతోంది. దీంతో, ఆయన అభిమానులు కలవరపడుతున్నారు. విగ్రహం ప్రతిష్టకు నోచుకోకపోవడంతో వారంతా ఆవేదన చెందుతున్నారు. మరి, ఇప్పటికే శ్రీకాకుళంలో గుడి కట్టేపనిలో ఉన్న అభిమానులు.. ఈ విగ్రహం విషయంలో ఎలా స్పందిస్తారో చూడాలి. ఒక్క తాడేపల్లిగూడెంలోనే కాకుండా మిగతా ప్రాంతాల్లో కూడా విగ్రహాలు ప్రతిష్టించాలన్న ఆలోచనలో ఫ్యాన్స్ ఉన్నట్లు తెలుస్తోంది.