జనసేన సాయంపై పవన్ ట్వీట్

Posted: 11/29/2016 01:56 PM IST

ఓవైపు నోట్ల పంపిణీలో సరిపడా చిల్లర సర్దలేక బ్యాంకులు సైతం చేతులు ఎత్తివేయగా, పవన్ కళ్యాణ్ పార్టీ జనసేన మాత్రం ఆ అవసరాలను తీర్చేస్తోంది. ఆదివారం పంజాగుట్టలోని నిమ్స్‌ ఆస్పత్రిలో రోగుల అవసరాలు, ఇబ్బందులను దృష్టిలో పెట్టుకుని వారు రద్దయిన కరెన్సీ నోట్లను తీసుకుని కొత్త నోట్లు పంపిణీ చేశారు కార్యకర్తలు. ఎమర్జెన్సీ వార్డు ఎదురుగా ఉన్న విశ్రాంతి శాలలో రోగుల కుటుంబ సభ్యులకు రూ.500, రూ.1000 నోట్లకు చిల్లర ఇచ్చి ఆదుకున్నారు. దాదాపు రూ.25 నుంచి రూ.30 వేల వరకు చిన్న నోట్లు పంపిణీ చేశారు.

నోట్లు మార్చుకునేందుకు ఎక్కువ మంది ఆసక్తి చూపడంతో కొంత గందరగోళ పరిస్థితి నెలకొంది. రోగుల బంధువులు భారీగా గుమిగూడటంతో ఆస్పత్రి సిబ్బంది వారిని అక్కడి నుంచి వెళ్లిపోవాలని సూచించారు. దీంతో జనసేన కార్యకర్తలు మళ్లీ వస్తామంటూ అక్కడి నుంచి వెళ్లిపోయారు. అయితే కార్యకర్తలు చేసిన ఈ పనిపై పవన్ కళ్యాణ్ అభినందనలు కురిపించాడు. ఇబ్బందులు పడుతున్న రోగులు, వారి సహాయకులకు అండగా నిలిచిన కార్యకర్తల ప్రయత్నాన్ని ఆయన అభినందించాడు.

నిమ్స్ లో దిక్కుతోచని స్థితిలో ఉన్నవారికి సహాయం చేసిన జనసేన అభిమానులకు అభినందనలు అని ట్వీట్ చేశారు. కాగా, సమస్యలపై ప్రశ్నిద్దాం, నిలదీద్దాం, సాయం చేద్దాం అన్న పవన్ కల్యాణ్ స్ఫూర్తితోనే తాము ఈ పని చేశామని కార్యకర్తలు చెబుతున్నారు.

My wholehearted appreciation to the supporters of 'JanaSena' for their kind support to helpless patients in NIMS. pic.twitter.com/oKrkXjylZe

— Pawan Kalyan (@PawanKalyan) November 29, 2016

I wholeheartedly appreciate the supporters of ' JanaSena' party for standing by helpless patient families in pic.twitter.com/0kTD41dYIg

— Pawan Kalyan (@PawanKalyan) November 29, 2016