ITEMVIDEOS: మద్యం మత్తులో యువతి వీరంగం..

Posted: 08/02/2016 10:04 AM IST

Cctv shows woman s shocking racist rant in bethnal green

మద్యం మత్తులో ఓ మహిళ వీరంగం సృష్టించింది. తానేం చేస్తుందన్న విచక్షణ కోల్పోయిన తనకు తాగేందుకు మరింతగా మద్యం ఇవ్వలేదని షాపు నిర్వాహకులపై ఆగ్రహంతో ఊగిపోయింది. దుకాణానికి చెందిన సరుకులను చిందరవందరగా రోడ్డుపై పడేసింది. షాపు సిబ్బందిని నోటికోచ్చినట్టు తిట్టింది. వారిపై జాతివివక్షాపూరితమైన వ్యాఖ్యలు చేసింది. ఈ ఘటన తూర్పు లండన్‌లో జరిగింది. దీంతో అమెను గుర్తించేందుకు పోలీసు బృందాలు రంగంలోకి దిగాయి.

వివరాల్లోకి వెళ్తే.. తూర్పు లండన్‌ బెథ్నాల్‌ గ్రీన్‌లోని "ఫ్రెష్‌గో' షాపులో ఓ నల్లజాతి యువతి ఇలా చిందులు తొక్కింది. ఆ షాపులోని వస్తువులను చిందరవందరగా పారేసింది. ఆమెను అడ్డుకునేందుకు ప్రయత్నించిన ఆ షాపులోని ఆసియా సంతతి వ్యక్తులపై జాత్యాంహకారపూరితమైన వ్యాఖ్యలు చేసింది. వారిని నానా దుర్భాషలాడింది. తనకు మరింత మద్యం ఇచ్చేవరకు షాపులోపలికి ఎవరినీ రానీయనంటూ తలుపులు మూసేసి నానా బీభత్సం సృష్టించింది.

తమ దుకాణం సిబ్బంది అమెతో శాంతంగా వ్యవహరించినా. అమె పూనకంతో ఊగిపోయింది. దుకాణం సిబ్బంది అమె విసిరిన వస్తువులను తీసుకొచ్చి వరుస క్రమంలో పెట్టారు. అయితే అక్కడి నుంచి మరో వైపు వెళ్లిన అమె అక్కడున్న వస్తువులను కిందపడేసింది. దీంతో షాపు యాజమాని పోలీసులకు ఫిర్యాదు చేశాడు. ప్రస్తుతం పరారీలో ఉన్న నిందితురాలిని గురించి పోలీసులు గాలిస్తున్నారు. నిందితురాలు 20 ఏళ్లకుపైగా వయస్సున్న నల్లజాతి యువతి అని, 5.5 అడుగుల ఎత్తు ఉండి దృఢంగా ఉంటుందని పోలీసులు తెలిపారు. ఆమె వీరంగం సృష్టించిన సీసీటీవీ వీడియో దృశ్యాలను విడుదల చేశారు.