అలర్ట్: ఆదాయపు పన్ను కట్టకపోతే అన్నీ కట్?

Posted: 06/21/2016 04:31 PM IST

ఆదాయ పన్ను కట్టకుండా తప్పించుకు తిరిగే వారికి త్వరలో గడ్డుకాలం రాబోతుంది. కావాలని ప్రభుత్వపు ఖజానాకు గండి కొడుతున్న వ్యక్తుల పూర్తి జాతకాన్ని అందరికీ అందుబాటులో ఉంచడంతోపాటు, పేపర్ లో యాడ్ ఇచ్చి మరీ పరువు తీసేందుకు ప్రయత్నాలు చేస్తున్నారు. ఆదాయపు శాఖ సిఫార్సుల మేరకు వారికి లభించే అన్ని రకాల సౌకర్యాలను నిలిపివేసేందుకు ప్రభుత్వం సిద్ధమౌతోంది.

ఇందులో భాగంగా ముందు ఆయా వ్యక్తలు పాన్ కార్డు ను  బ్లాక్ చేస్తారు. తద్వారా వారి బ్యాంకు లావాదేవీలు, సర్వీసులు నిలిపేయటంతోపాటు లోన్లు కూడా ఇవ్వరు. పాన్ కార్డు నిలిపివేసి ఆ సమాచారాన్ని రిజిస్ట్రేషన్ ఆఫీసులకు పంపటం, తద్వరా వారికి సంబంధించిన రిజిస్ట్రేషన్లను అడ్డుకోవటం లాంటివి చేస్తారు. అంతేకాదు గ్యాస్ సబ్సిడీ రద్దుచేయటం, ఆఖరికి కొత్తగా కొనుగోలు చేసే ఆస్తుల రిజిస్ట్రేషన్లను సైతం జరగకుండా ఆపేస్తారంట.

ఆపై వారి పూర్తి సమాచారాన్ని సేకరించి జాతీయ పత్రికల్లో వారి పేర్లను ప్రముఖంగా ప్రచురించేందుకు సన్నాహాలు చేస్తున్నారు. అదే సమాచారాన్ని నేమ్ అండ్ షేమ్ పేరిట ఓ జాబితా తయారు చేసిన నెట్ లో పెట్టాలని నిర్ణయించింది. కొత్తగా తీసుకునే ఈ నిర్ణయాలకు భయపడి కొందరైనా టైం కి ఆదాయపు పన్ను చెల్లిస్తారని ఆశిస్తోంది ఐటీ శాఖ.

భాస్కర్