తెలంగాణ టెట్ ఫలితాలు విడుదల

Posted: 06/17/2016 11:52 AM IST

తెలంగాణ రాష్ట్ర టీచర్ అర్హత పరీక్ష (టెట్) ఫలితాలు కాసేపటి క్రితం విడుదల అయ్యాయి. గత నెల 22న నిర్వహించిన ఈ పరీక్ష ఫలితాలను స్కూల్ ఎడ్యుకేషన్ డైరెక్టర్ కిషన్ శుక్రవారం ఉదయం 11 గంటలకు విడుదల చేశారు. మొత్తం రెండు పేపర్లకు కలిపి 3,73,494 మంది అభ్యర్థులు దరఖాస్తు చేసుకోగా, 3,40,082 మంది (90.55 శాతం) హాజరయ్యారు.

పేపర్-1పరీక్షకు 1,01,213 మంది దరఖాస్తు చేసుకోగా, 88,158 మంది (87.10 శాతం) హాజరయ్యారు. 55.45 శాతం ఉత్తీర్ణులయ్యారు. కాగా,  పేపర్-2 పరీక్షకు 2,74,339 మందికి గాను 2,51,924 మంది(91.83 శాతం) హాజరయ్యారు. 24.05 శాతం ఉత్తీర్ణులయ్యారు. పేపర్ -1లో 134 మార్కులతో స్నేహలత(మెదక్ జిల్లా) మొదటి స్థానంలో నిలవగా, పేపర్ -2లో 126 మార్కులతో డి. శారదావాణి(కరీంనగర్ జిల్లా) ప్రథమ స్థానంలో నిలిచింది. www.tstet.cgg.gov.in సైట్ ను సంప్రదించి ఫలితాలు తెలుసుకోవచ్చు.

బాస్కర్