ఢిల్లీలో మరో నిర్భయ ఘటన.. చేష్టలుడికి చూస్తున్న కేంద్రం

Posted: 06/17/2016 08:31 AM IST

Woman abducted and gang raped in moving car in delhi three held

దేశ రాజధాని ప్రతిష్టను దిగజారుస్తూ రోజు రోజుకు భరితెగించి యువతులపై తెగబడుతున్న మగమృగాళ్ల నుంచి బాధితులను కాపాడేందుకు ప్రభుత్వాలు చర్యలు తీసుకోవడం లేదని, దీంతోనే ఢిల్లీలో వరుసగా యువతులపై అఘాయిత్యాలు, అత్యాచారాలు జరుగుతున్నాయని విమర్శలు వస్తున్నాయి. అటు కేంద్రమంత్రులు, ఇటు రాష్ట్ర మంత్రలు, వారి బందోబస్తు నేపథ్యంలో అసలే సిబ్బంది కోరతతో వున్న ఢిల్లీ పోలీసులు నేరాలను అదుపు చేయడంలో విఫలమవుతున్నారని విమర్శలూ వున్నాయి. అయినా కేంద్ర ప్రభుత్వం మాత్రం.. ఇప్పుడిక అన్న ప్రచారాలతో హోరెత్తిస్తూ.. నిమ్మకు నీరెత్తినట్లు వ్యవహరిస్తుందో తప్ప ఎలాంటి చర్యలు తీసుకోవడం లేదన్న విమర్శలు వున్నాయి.

వారం రోజుల క్రితం ఓ యువతిని కొందరు అగంతకులు కిడ్నాప్ చేసి రాత్రంతా కదులుతున్న కారులో అమెపై అత్యాచారం చేసి ఉదయాన్నే సన్ లైట్ కాలనీలోని ఫ్లై ఓవర్ వద్ద అమెను పడేసి వెళ్లిపోయిన ఘటన నమోదు కాగా, సరిగ్గా అలాంటి నిర్భయ ఘటనే మారోమారు సంభవించింది. నిర్భయ ఘటనను రాజకీయంగా వినియోగించుకున్న గత విపక్షాలు ఇప్పడు అధికారంలోకి వచ్చినా.. ప్రయోజనం లేకుండా పోయింది. గడప దాటిని చేష్టలతో వారు సాగిస్తున్న ప్రచార హోరు ఒకటైతే.. జరుగుతున్న వాస్తవాలు మరోకటి.

తాజాగా, సినిమా చూసి ఇంటికి తిరిగొస్తున్న 25 ఏళ్ల మహిళను కారులో అపహరించిన ముగ్గురు వ్యక్తులు.. కదులుతున్న కారులోనే ఆమెపై సామూహిక అత్యాచారం చేశారు. ఈ దారుణం దేశ రాజధాని ఢిల్లీలో జరిగింది. ఈ కేసులో ముగ్గురినీ పోలీసులు అరెస్టు చేశారు. దక్షిణ ఢిల్లీలోని వసంత విహార్ ప్రాంతంలో పీవీఆర్ ప్రియా థియేటర్‌లో సినిమా చూసి, స్నేహితురాలితో కలిసి తెల్లవారుజామున 3.15 గంటల సమయంలో తిరిగి ఇంటికి వెళ్తుండగా ఆమెను అపహరించారు.

కారులో తనపై ముగ్గురూ అత్యాచారం చేసి, ఆ తర్వాత పూర్వీమార్గ్ వద్ద విసిరేసి వెళ్లిపోయారని ఆమె పోలీసులకు ఫిర్యాదుచేసింది. ఆమె కిడ్నాప్ కాగానే ఆమెతోపాటు ఉన్న స్నేహితురాలు పోలీసులకు ఫోన్ చేసి చెప్పింది. కారు నెంబరును ఆమె గుర్తుపెట్టుకోవడంతో నిందితులను పట్టుకోవడం సులభమైందని పోలీసులు తెలిపారు. బాధితురాలికి వైద్యపరీక్షలు చేయించగా అత్యాచారం జరిగిన విషయం కూడా నిర్ధారణ అయ్యిందన్నారు.

మనోహర్