చిన్నారి తలలోకి బుల్లెట్ ఎలా?

Posted: 06/07/2016 02:53 PM IST

అన్న చేసిన పనికి చావు బతుకుల్లో కొట్టాడుతున్న చెల్లి ఉదంతమిది. కువైట్ రాజధాని కువైట్ సిటీలోని అద్నాన్ హస్పిటల్. టాప్ ఆస్పత్రి కావటంతో నిత్యం పెషెంట్లతో బిజీగా ఉంటుంది. హఠాత్తుగా ఓ నాలుగేళ్ల చిన్నారిని ఒళ్లో ఎత్తుకుని పరిగెత్తుకు వచ్చాడు ఆమె తండ్రి. తలకు గాయం కావటంతో తమ బిడ్డ అపస్మారక స్థితిలోకి వెళ్లిపోయిందని వైద్యుల వద్ద రోదించసాగాడు. అయితే ఎక్సరే తీసిన వైద్యులు ఆ రిపోర్ట్ లు చూసి ఆశ్చర్యపోయారు. ఆ చిన్నారి తలలో వారికి బుల్లెట్ కనిపించడంతో సర్జరీ కోసం వేరే ఆస్పత్రికి తరలించారు. మరోవైపు విషయాన్ని పోలీసులకు చేరవేశారు. పోలీసులు తమదైన శైలిలో ప్రశ్నించగా ఆ తండ్రి అసలు విషయం చెప్పాడు.

ఆ పాప అన్నయ్య (10 ఏళ్లు) తన చెల్లెల్ని ఆటపట్టిద్దామనుకున్నాడంట. అందుకోసం తన తండ్రి లైసెన్స్ రివాల్వర్ ను తీసుకుని బయపట్టించాలని ఫ్లాన్ వేశాడు. అయితే గన్ అన్ లోడ్ చేసి ఉండటంతో అది కాస్త పేలి బుల్లెట్ ఆ చెల్లెలి తలలోకి దూసుకెళ్లింది. దీంతో కంగారు పడిన ఆమె తండ్రి విషయం దాచి అబద్ధం చెప్పాడంట. మొత్తం మీద చెల్లెల్ని భయపట్టిదామనకున్న ఆ బుల్లి అన్న ప్లాన్ బెడిసి కొట్టడమే కాకుండా జువెనైల్ హోంకు వెళ్లాల్సిన పరిస్థితి దాపురించింది. బుల్లెట్ తొలగించినప్పటికీ ప్రస్తుతం ఆ పాప పరిస్థితి సీరియస్ గానే ఉందట. సరదాగా చేసే చిలిపి పనులు ఒక్కోసారి అనుకోకుండా విషాదాలుగా మారుతుంటాయి ఇలా.

భాస్కర్