అతిపెద్ద జాతీయపతాకం హైదరాబాద్ లో

Posted: 05/04/2016 09:00 AM IST

తెలంగాణ రాజధాని హైదరాబాద్ మరో రికార్డు సృష్టించడానికి సిద్ధమౌతుంది. దేశంలోకెల్లా అతిపెద్ద, ఎత్తైన జాతీయ పతాకాన్ని హైదరాబాద్‌లో ఏర్పాటు చేయాలని తెలంగాణ ముఖ్యమంత్రి కె. చంద్రశేఖర్ రావు నిర్ణయించారు. హైదరాబాద్ నగరంలో ట్యాంక్ బండ్‌పై బతుకమ్మ ఘాట్ వద్ద ఈ పతాకాన్ని ఎగురవేసేందుకు వీలుగా చేయాలని ప్రభుత్వ ప్రధాన కార్యదర్శి రాజీవ్ శర్మను ఆయన ఆదేశించారు. 301 అడుగుల ఎత్తులో ఈ పతాకం ఉండాలని, అందుకనుగుణంగా పోల్ ఏర్పాటు చేయాలని చెప్పారు.

ప్రస్తుతం జార్ఘండ్ రాజధాని రాంచీలో 293 అడుగుల ఎత్తులో జాతీయ పతాకం ఉంది. అంతకంటే ఎత్తైన పోల్, అంతకంటే పెద్ద జెండా తెలంగాణలో ఎగరవేయాలని అన్నారు. పౌరుల్లో జాతీయ భావనను పెంచడానికి ఈ చర్య దోహదపడుతుందని సిఎం కెసిఆర్ వ్యాఖ్యానించారు. ఇప్పటికే హైదరాబాద్ కీ షాన్ అందరికి తెలిసిందే.. మరి ఇప్పుడు మరో మణిహారం హైదరాబాద్ కు చేరుతోంది.