బిడ్డను, అత్తను చంపిన కామాంధురాలు

Posted: 04/19/2016 07:02 AM IST

Kerala techie gets death lover life term for double murder

తన అక్రమ సంబంధానికి అడ్డుగా ఉన్నారని కన్న బిడ్డను, తల్లిలాంటి అత్తనూ ప్రియుడితో కలిసి చంపింది ఓ సాఫ్ట్‌వేర్ ఉద్యోగిని. అనంతరం భర్తను కూడా దారుణంగా చంపించే ప్రయత్నం చేసింది. అమ్మతనానికే మాయని మచ్చను తీసుకొచ్చిన ఈ దుస్సంఘటన 2014లో కేరళలోని తిరువనంతపురంలో చోటు చేసుకుంది. ఈ కేసుకు సంబంధించి తిరువనంతపురం ప్రిన్సిపల్ సెషన్స్ కోర్టు న్యాయమూర్తి సంచలన తీర్పు ఇచ్చారు. ఈ దారుణానికి పాల్పడిన నిందితుడికి కోర్టు మరణశిక్ష విధించగా, నిందితురాలికి జీవిత ఖైదు శిక్ష ఖరారు చేసింది. నిందితులిద్దరికి ఒక్కొక్కరికీ రూ.50లక్షల చొప్పునా జరిమానా కూడా విధించింది. కన్నబిడ్డను, తల్లిలాంటి అత్తను చంపించిన నిందితురాలు అనుశాంతి ‘ అమ్మ తనానికే మాయని మచ్చ తెచ్చింద’ని న్యాయమూర్తి తీవ్రంగా వ్యాఖ్యానించారు.

తిరువనంతపురంలోని టెక్నో పార్కు సంస్థలో సాఫ్ట్‌వేర్ ఇంజినీర్లుగా పనిచేస్తున్న నినో మ్యాథ్యూస్, అనుశాంతి మధ్య అక్రమ సంబంధం కొనసాగుతోంది. తమ అసాంఘిక కార్యకలాపాలకు అడ్డుగా ఉన్నారంటూ 2014లో అను తమ మూడేళ్ల కూతురు స్వస్తికను, ఆమె అత్త ఒమనా ను దారుణంగా ప్రియుడు నినో మ్యాథ్యూ చంపేశాడు. అనుశాంతి భర్త లిజేష్‌నూ చంపేందుకు ప్రయత్నించగా తీవ్రగాయాలతో తప్పించుకున్నాడు. ఈ కేసులో తీర్పు వెలువరించిన న్యాయమూర్తి ‘ ఇది అత్యంత క్రూరమైన, హేయమైన నేరమని వ్యాఖ్యానించారు. అందుకే మ్యాథ్యూకు మరణశిక్ష విధిస్తున్నానని న్యాయమూర్తి స్పష్టం చేశారు. కాగా, నిందితులకు విధించిన కోటి రూపాయల జరిమానాను బిడ్డను కోల్పోయిన అనుశాంతి భర్త లిజేష్‌కు రూ.50లక్షలు, భార్యను కోల్పోయిన అను మామ థంకప్పన్‌కు రూ.30లక్షలు పరిహారం చెల్లించాలని జడ్జీ ఆదేశించారు.