నేపాల్ లో విమానం అదృశ్యం

Posted: 02/24/2016 11:41 AM IST

ఈ ఉదయం తారా ఎయిర్ లైన్స్ విమానం నేపాల్ పర్వతశ్రేణుల్లో అదృశ్యమైంది. ఈ విమానం ఉదయం 7.45గంటలకు  పొఖారా నుంచి జామ్ సోమ్ కు బయలుదేరింది. అందులో 21మందిప్రయాణికులు ఉన్నారని అధికారులు చెబుతున్నారు. బయలుదేరిని కొద్దిసేపటికే విమానం ఆచూకీ గల్లంతైందని ఎయిర్‌ ట్రాఫిక్‌ కంట్రోల్‌ అధికారులు వెల్లడించారు. అదృశ్యమైన విమానం పర్వత శ్రేణుల్లో కూలిపోయి ఉంటుందని అనుమానం వ్యక్తం చేస్తున్నారు. హెలికాప్టర్ల సహాయంతో గాలింపు కొనసాగిస్తున్నామని,  ప్రతికూల వాతావరణం కారణంగా గాలింపు చర్యలు ఆలస్యమవుతున్నాయని అంటున్నారు అధికారులు.