నిజాం కాలేజీలో చంద్రబాబు బహిరంగ సభ

Posted: 01/12/2016 01:11 PM IST

గ్రేటర్ఎన్నికల సమరానికి అన్ని పార్టీలు సిద్దమయ్యాయి. అయితే అధికార పార్టీ టిఆర్ఎస్ అన్ని పార్టీల కన్నా ముందు ప్రచారంలో ఉంది. కాగా తెలుగుదేశం పార్టీ మాత్రమే ప్రచారంలో వెనుకబడింది. ఏపి ముఖ్యమంత్రిగా బాధ్యతలు నిర్వహిస్తున్న కారణంగా తెలుగుదేశం అధినేత నారా చంద్రబాబు నాయుడు జిహెచ్ఎంసీ ఎన్నికల మీద పూర్తి స్థాయి దృష్టి కేంద్రీకరించలేకపోతున్నారు. అయితే తాజాగా ఎన్నికల్లో చంద్రబాబు ప్రచారానికి సిద్దమైంది. తెలుగుదేశం పార్టీ కార్యకర్తల్లో ఉత్సాహాన్ని పెంచడంతో పాటుగా.. కీలకమైన ఆంధ్రా ఓట్లను తమ ఖాతాలో వేసుకోవడానికి చంద్రబాబు సిద్దమవుతున్నారు.

 గ్రేటర్ ఎన్నికల ప్రచారంలో భాగంగా హైదరాబాద్ లోని నిజాం కాలేజ్ గ్రౌండ్స్లో భారీ బహిరంగ సభను ఏర్పాటు చేసింది. అధికార పార్టీ ప్రచారాన్ని తిప్పి కొడుతూ.. గ్రేటర్ లో విజయానికి బాటలు వేసేందుకు సిద్ధమైంది. టీడీపీ అధినేత చంద్రబాబు నాయుడు... కేంద్ర మంత్రి జేపీ నడ్డా పాల్గొనే ఈ సభకు పెద్ద ఎత్తున జన సమీకరణ చేపట్టింది. గ్రేటర్ ఎన్నికలతో అధికార పార్టీపై పైచేయి సాధించాలని పట్టుదలగా ఉన్న టీడీపీ-బీజేపీ కూటమి.. సమర శంఖారావాన్ని పూరించింది. నిజాం కాలేజీ గ్రౌండ్స్ నుంచి ఎన్నికల ప్రచారాన్ని ప్రారంభిస్తున్నాయి. భారీ బహిరంగ సభతో.. హైదరాబాద్ లో బలప్రదర్శనకు సిద్ధమయ్యాయి. నగరంపైన పట్టు తమదేనన్న సంకేతాలను పంపించడమే ధ్యేయంగా .. సభను విజయవంతం చేయడానికి టీడీపీ, బీజేపీ నేతలు కసరత్తు చేస్తున్నారు.  కనీసం యాభై వేల నుంచి డెబ్పై వేల మందిని తరలించాలన్న పట్టుదలతో  నేతలున్నారు. మరి చూడాలి ఈ సభ ఎంత వరకు సక్సెస్ అవుతుంది... చంద్రబాబు నాయుడు టిడిపి-బిజెపి కూటమికి ఎంత లాభం చేకూరుస్తారో.