సైనికులే అమ్మాయిని రేప్ చేశారు

Posted: 12/29/2015 12:16 PM IST

సైనికులు అంటూ అందరికి గౌరవం ఉంటుంది. దేశ రక్షణ కోసం ఎలాంటి సందర్భంలొ అయినా దైర్యంగా ముందుకు వెళతారు అని అందరికి నమ్మకం. అయితే దేశం గౌరవించే, గర్వించే సౌనికులుగా పని చేస్తూ.. ఓ అమ్మాయిని చెరపట్టి తీవ్ర సంచలనానికి కారణమయ్యారు. ఇంటి నుండి పారిపోయిన ఓ అమ్మాయి ఓ రైలెక్కితే.. రైలులో ఇద్దరు సైనికులు అమ్మాయిని రేప్ చేశారు.. తర్వాత ఆమెకు బలవంతంగా ఆల్కహాల్ తాపించారు. అయితే రైల్వే పోలీసులు ఎంతో నేర్పుగా వ్యవహరించడంతో గంటల వ్యవధిలోనే నిందితులను పోలీసులు అదుపులోకి తీసుకున్నారు. హౌరా - అమృత్ సర్ ఎక్స్ ప్రెస్ రైల్ లో జరిగిన ఈ రేప్ గురించి మరిన్ని వివరాలు మీ కోసం...

హౌరా కు చెందిన ఓ అమ్మాయి ఇంట్లో నుండి పారిపోయింది. అయితే ఆమె కుటుంబ సభ్యులు వెంటనే పోలీస్ స్టేషన్ లో కేసు నమోదు చేశారు. పోలీసులు రైల్వే పోలీసులకు సమాచారం అందించగా.. అక్కడి రైల్వే స్టేషన్ లో ఏర్పాటు చేసిన సిసిటివి కెమెరాలతో అమ్మాయిని గుర్తించారు. అయితే ఆ అమ్మాయి అమృత్ సర్ ఎక్స్ ప్రెస్ రైల్ ఎక్కింది. పోలీసులు ఆమెను గుర్తించేసరికి రైలు కదిలింది. కాగా అమ్మాయి ఎక్కిన బోగీ.. సైనికుల కోసం రిజర్వ్ చేసింది. అమ్మాయిని ఇద్దరు సైనికులు రేప్ చేశారు.. తర్వాత ఆమెకు బలవంతంగా మద్యం తాగించారు. ఆ బోగీ లోపలి నుండి లాక్ చేసి ఉండటంతో.. పోలీసులు ఆ డోర్ ను తెరిచేందుకు కాస్త ఇబ్బందిపడ్డారు. కానీ చివరకు తెరిచారు. అమ్మాయిని వెంటనే పోలీస్ స్టేషన్ తరలించి.. కేసు నమోదు చేశారు. తర్వాత అమ్మాయిని హాస్పిటల్ కు పంపి చికిత్స అందించారు. అయితే వెంటనే రైల్వే పోలీసులు ఆ సైనికులను గుర్తించి వారిని అదుపులోకి తీసుకున్నారు.