కేసీఆర్ ఆయత ఛండీయాగం ఖర్చు 3కోట్లు..!

Posted: 12/16/2015 11:37 AM IST

Do you know the expenditure for chandi yagam

తెలంగాణ సిఎం కేసీఆర్ ఎంతో ప్రతిష్టాత్మకంగా చేపడుతున్న ఆయత ఛండీయాగానికి అన్ని ఏర్పాట్లు ముమ్మరంగా సాగుతున్నాయి. రాష్ట్రపతి దగ్గరి నుండి ప్రధాని నరేంద్ర మోదీ, కేంద్ర మంత్రులు, కొన్ని రాష్ట్రాల ముఖ్యమంత్రులు, గవర్నర్లు ఈ ఆయత ఛండీయాగానికి ఆహ్వాన పత్రిక అందుకున్నారు. తెలంగాణ రాష్ట్రం ఏర్పడిన తర్వాత మొదటిసారిగా కేసీఆర్ తెలంగాణ ప్రత్యేక రాష్ట్రంగా ఏర్పడినందుకు, తెలంగాణలో పిరి సంపదలు, తెలంగాణ వాసులకు ఆయురారోగ్యాలు అమ్మవారు ప్రసాదించాలని కేసీఆర్ ఈ ఛండీయాగాన్ని నిర్వహిస్తున్నారు. అయితే ఎంతో ప్రతిష్మాత్మకంగా నిర్వహిస్తున్న యాగానికి సంబందించిన వివరాలు ఇలా ఉన్నాయి.

Also Read: చంద్రబాబు, కేసీఆర్ కలయిక మీద ఇన్ని పుకార్లా..?

కేసీఆర్ దాదాపు మూడు కోట్ల రూపాయలతో ఛండీ యాగానికి ఏర్పాట్లు చేస్తున్నట్లు తెలుస్తోంది. దాదాపు 1500 మంది పండితులు మంత్రోచ్ఛరణ మధ్య అంగరంగ వైభవంగా ఆయత ఛండీయాగం జరగనుంది. డిసెంబర్ 23 నుండి ఐదు రోజుల పాటు సాగే ఈ యాగానికి ఎలాంటి లోటు లేకుండా కేసీఆర్ అన్ని ఏర్పాట్లు చేశారు. 150 మంది వంటగాళ్లను ఈ యాగానికి రప్పిస్తున్నారు. అమ్మవారి పూజను అంగరంగ వైభవంగా నిర్వహించడమే కాకుండా.. వచ్చిన అతిథులకు కూడా అదిరిపోయే ఆతిధ్యం ఇచ్చేందుకు కేసీఆర్ సిద్దమయ్యారు. కాగా ఈ యాగానికి ఏపి సిఎం నారా చంద్రబాబు నాయుడు ప్రత్యేక ఆకర్షణగా నిలువనున్నారు. చంద్రబాబు నాయుడు ఇంటికి వెళ్లి చంద్రబాబును సతీసమేతంగా ఆహ్వానించారు కేసీఆర్. మొత్తం 50 వేల మంది ప్రజలు, అతిథులు ఈ యాగానికి హాజరవుతారని అంచనా వేస్తున్నారు.