ముంబై తరహాలోనే ప్యారిస్ దాడి

Posted: 11/14/2015 01:17 PM IST

భారత్ లో ఉగ్రవాదులు సృష్టించిన మారణకాండను ప్రత్యక్ష నిదర్శనంగా నిలుస్తోంది తాజ్ మహల్ హోటల్. ముంబైలో రక్తపాతాన్ని సృష్టించిన ఉగ్రవాదులు వందల మంది అమాయకులు ప్రాణాలను బలిగొన్నారు. వేల మంది కుటుంబాలకు తీరని అన్యాయం చేశారు. ముంబై ఘటనను గుర్తు చేసుకుంటే చాలా మంది బాధితులు ఇప్పటికీ కంట్లో కన్నీళ్లు పెట్టుకుంటారు. అయితే అదే తరహాలో తాజాగా ప్యారిస్ లో దాడి జరిగింది. అమెరికా  సైనిక నిపుణులు ప్యారిస్ దాడి కూడా ముంబై 26/11 దాడిలాగే ఉందని.. రెండింటికి పోలిక ఉందని అంటున్నారు. సముద్ర మార్గం ద్వారా వచ్చిన ఉగ్రవాదులు ముంబై నగరాన్ని ఎలా అయితే రక్తంతో నింపేశారో అలాగే ప్యారిస్ లో కూడా జరిగింది.

Also Read: ప్యారిస్ లో ఉగ్రపంజా.. 140 మంది మృతి

ముంబై దాడులకు, ప్యారిస్ దాడులకు పోలీక ఉంది అని సీనియర్ సైనికాధికారి వెల్లడించారు. గతంలో ముంబై మీద దాడికి ఉగ్రవాదులు చాలా ప్లాన్డ్ గా వెళ్లారని.. టీంలుగా విడిపోయి.. నగరంలోని వేరువేరు ప్రదేశాల్లో దాడులకు తెగపడ్డారు. అచ్చం అలాగే ప్యారిస్ లో కూడా వేరు వేరు ప్రాంతాల్లో ముష్కరులు దాడులకు పాల్పడ్డారు. ముంబైలో తాజ్ హోటల్ ను టార్గెట్ గా చేసిన ఉగ్రవాదులు.. ప్యారిస్ లో ఓ స్టేడియంను టార్గెట్ గా చేసుకొని విరుచుకుపడ్డారు. అందుకే అక్కడున్న సైనికాధికారులు ప్యారిస్ దాడిని ముంబై దాడితో పోలుస్తూ.. విచారణను ప్రారంభించారు.

*అభినవచారి*