రాహుల్ ఆ స్థానానికి సరిపోడు.. మిగతా అంతా అ పుస్తకంలో..

Posted: 10/26/2015 04:12 PM IST

కాంగ్రెస్‌ అధ్యక్షుడిగా రాహుల్‌గాంధీ బాధ్యతలు చేపట్టాలనే డిమాండ్లు వినిపిస్తున్న తరుణంలో పార్టీ సీనియర్‌ నేత, స్వర్గీయ ప్రధాని  ఎం.ఎల్‌.ఫోతేదార్‌ సంచలన వ్యాఖ్యలు చేశారు. రాహుల్‌ పగ్గాలు చేపట్టడాన్ని పార్టీలో చాలామంది ఒప్పుకోవడం లేదని.. ఆ పదవితోపాటు పీఎం అభ్యర్థిగానూ రాహుల్‌ సరైనవాడు కాదని అన్నారు. త్వరలో విడుదల కానున్న తన పుస్తకం ‘ద చినార్‌ లీవ్స్‌’లో ‘‘రాహుల్‌ కూడా రాజీవ్‌, ఇందిర తర హాలోనే అయిష్టంగా రాజకీయాల్లోకి వచ్చారు. అయితే, వారిద్దరూ ఉన్నతస్థాయికి ఎదిగినా, ఆ నాయకత్వ లక్షణాలు రాహుల్‌లో ఉన్నా యా? అనేది ప్రశ్నార్థకమే’’ అన్నారు.

సోనియాకు ఎన్నో సద్గుణాలున్నాయన్న ఆయన.. రాహుల్‌ విషయంలో మాత్రం కొన్ని తప్పులు చేస్తున్నారని చెప్పారు. ‘‘రాహుల్‌ నాయకత్వాన్ని దేశ ప్రజలు ఒప్పుకోరు. పార్టీ కొత్త విషయాలను నేర్చుకోవడం మర్చిపోయింది’’ అన్నారు. ‘‘అసలు పార్టీ చేపట్టిన, చేపడుతు న్న ఏ కార్యక్రమమూ స్పష్టంగా లేదు. నెహ్రూ, ఇందిర వారసత్వం దిగజారుతోంది. ఇది చాలా బాధాకరం’’ అన్నారు. ‘‘ఇప్పటికీ పార్టీలో సోనియా నే శక్తిమంతురాలైన నేత. కాబట్టి పార్టీని కొత్తగా ఆవిష్కరించే బాధ్యత ఆమె పైనే ఉంది.

రాహుల్‌ విషయంలో చాలామంది తప్పుబడుతున్నారంటే అది ఆయనను ఆ స్థానానికి ఎంపికచేసిన వారిని విమర్శించడమే’’ అని విశ్లేషించారు. ‘‘రాబోయే సవాళ్లను వీరు ఎదుర్కోగలరా? అనే ప్రశ్న వేధిస్తోంది. ఎందుకంటే సోనియా.. ఇందిర కాదు..!, రాహుల్‌.. సంజయ్‌ గాంధీ కాదు. అధ్యక్ష పదవికి అనుభవంగానీ, నిర్ణయాలు తీసుకోగల సామర్థ్యం గానీ రాహుల్‌కు లేవు. పోనీ తల్లి నేర్పుతుందా? అంటే ఆమె చాలా విషయాల్లో ఇతరులపై ఆధారపడుతున్నారు’’ అన్నారు. ‘‘నా వ్యాఖ్యలతో సోనియా ఆందోళన చెందవచ్చు. కానీ, ప్రియాంక గాంధీనే తన రాజకీయ వారసురాలని ఇందిరా గాంధీ ఎప్పుడో చెప్పారు’’ అని పేర్కొన్నారు.

జి. మనోహర్