కేఎఫ్‌సీ చికెన్‌ ఆనారోగ్యదాయమే.. పరీక్షల్లో వెల్లడి

Posted: 07/07/2015 04:49 PM IST

కేఎఫ్‌సీ చికెన్‌ సురక్షితం కాదని పరీక్షల్లో వెల్లడైనట్లు తెలిసింది. కేఎఫ్‌సీ చికెన్‌పై ఇటీవల ఆరోపణలు రావడంతో ఆహార భద్రతా చట్టం కింద తెలంగాణ ప్రభుత్వం 15 శాంపుళ్లను సేకరించి పరీక్షలు చేయించింది. మరోవైపు, జీహెచ్‌ఎంసీ ఆధ్వర్యంలో మున్సిపల్‌ చట్టం కింద 28 శాంపుళ్లను సేకరించి పరీక్షించారు. రాష్ట్ర ప్రభుత్వం సేకరించిన వాటి ఫలితాలు బాగానే వచ్చినా... జీహెచ్‌ఎంసీ సేకరించిన వాటిలో 8 శాంపుళ్లలోని చికెన్‌ తినడానికి సురక్షితం కాదని తేలినట్లు సమాచారం. ఈ మేరకు అధికారులు ప్రత్యేక నివేదికను రూపొందిస్తున్నట్టు తెలిసింది. ఈ నివేదిక ఆధారంగా సదరు నమూనాలకు సంబంధించి చర్యలు తీసుకునే అవకాశం ఉంది.

కె ఎఫ్ సీ ఆహార పదార్థాల్లో ప్రమాదకరమైన ఈ కొలి, సాంనెల్లా లాంటి బ్యాకీ్టరియాలున్నాయని బాలల హక్కుల సంఘం ఆరోపించి.. వెంటనే కె ఎఫ్ సీని నిషేదించాలని డిమాండ్ చేసింది. లేని పక్షంలో ఆయా సంస్థలపై క్రిమినెల్ కేసులు పెట్టడానికి కూడా తాము వెనుకాబోమని బాలల హక్కుల సంఘం హెచ్చరించింది. అమెరికా లాంటి దేశాల్లో అక్కడి పౌరులు తినడానికి ఇష్టపడని, పదార్థాలను భారత్ లాంటి దేశాలకు తరలించి.. వాటిని ఇక్కడ అమ్మి సోమ్ము చేసుకుంటున్నారని ఆగ్రహం వ్యక్తం చేసింది. దీంతో రంగంలోకి దిగిన జీహచ్ఎంసీ అధికారలు శాంపుళ్లను సేకరించి పరీక్షలు పంపగా, చికెన్ సురక్షితం కాదని తేలింది.

విదేశాలు కేంద్రంగా భారత్ లోకి వస్తున్న పలు ఫుడ్ ఐటెంస్ లో హానకరమైన పదార్థాలు వున్నా వాటిని భారత్ మార్కెట్ లోకి ఎలా రాణిస్తున్నారన్న విషయమై తాజాగా చర్చనీయాంశంగా మారింది. మ్యాగీ నూడుల్స్ లో హానికరమైన ఎంఎస్ జీ అధిక మోతాదులో వుందని, దీని ద్వారా వాటిని సేవించిన పిల్లలు, పెద్దలకు కూడా పలు ఆరోగ్యకర సమస్యలు ఉత్పన్నమవుతాయని ఆందోళన వ్యక్తమైన నేపథ్యంలో రంగంలోకి దిగిన భారతీయ ఆరోగ్య శాఖ అధికారులు దాడులు జరపి దేశవ్యాప్తంగా వాటిని నిషేధించారు.

ఆ తరువాత ఇప్పుడు కేఎఫ్‌సీ చికెన్‌.లో హానికరమైన పదార్థాలున్నాయని పరీక్షఃల్లో వెల్లడైంది  మ్యాగీ నూడుల్స్ అధ్యాయం ముగిసిందన్న నేపథ్యంలో అగ్రరాజ్యం అమెరికా కేంద్రంగా ప్రపంచ వ్యాప్తంగా శాఖోపశాఖలతో విస్తరించిన ఫ్రైడ్ చికెన్ దిగ్గజం కె ఎఫ్ సీ(కెంటకీ ఫ్రైడ్ చికెన్) లోపభూయిష్టమైన నాణ్యతతో ఆహార పదార్థాలను తయారు చేస్తుందని ఆరోపణలు వెల్లువెత్తుతున్నాయి. భారతీయ నగరాల్లో సామాన్య మధ్య తరగతి నుంచి ఉన్నత వర్గాల వరకు, పిల్లల నుంచి పెద్దల వరకు ప్రతీ ఒక్కరినీ అకర్షించి మూడు పువ్వులు.. ఆరు కాయలుగా వ్యాపారాన్ని సాగిస్తున్న కె ఎఫ్ సీ భారత దేశ చిన్నారుల జీవితాలతో చెలగాటమాడుతుందని బాలల హక్కుల సంఘం అరోపించింది.

జి. మనోహర్