రంగంలోకి దిగిన ‘బాహుబలి’ వీరులు

Posted: 06/13/2015 04:56 PM IST

Prabhas and rana land in tirupathi bahubali audio mega event

దర్శకధీరుడు రాజమౌళి ఎంతో ప్రతిష్టాత్మకంగా తెరకెక్కించిన ‘బాహుబలి’ చిత్రం ఆడియో వేడుక ఈరోజు (13-06-20126) తిరుపతిలో ఘనంగా నిర్వహిస్తున్న విషయం తెలిసిందే! ఈ ఆడియో వేడుక నిర్వహణను ఎంతో ప్రతిష్టాత్మకంగా తీసుకున్న ‘బాహుబలి’ చిత్రబృందం.. తిరుపతిలోని ఎస్వీ యూనివర్సిటీ ప్రాంగణంలో ఎంతో ఘనంగా వేదికను ఏర్పాటు చేసింది. ఈ మొత్తం ఏర్పాట్లను రాజమౌళితో పాటు ప్రధాన యూనిట్ మెంబర్స్ అంతా అక్కడే కొన్నాళ్లపాటు తిష్టవేసి పర్యవేక్షించారు.

ఆడియో వేడుకను గ్రాండ్ సక్సెస్ చేయాలనే ఉద్దేశంతో రాజమౌళి పూర్తిస్థాయి వ్యూహంతో ఏర్పాట్లు చేయించినట్లు తెలుస్తోంది. భారీ ఖర్చు పెట్టిన తయారుచేసిన ఈ వేడుక సెట్స్ చూపరులను కట్టిపడేసే విదధంగా వుంది. ఈ ఆడియో వేడుకకు చిత్రంలో నటించిన తారాగణం మొత్తం హాజరుకానున్నట్లు ఇదివరకే యూనిట్ స్పష్టం చేసింది. వారికోసం ప్రత్యేకంగా చార్టర్డ్ ఫ్లైట్ ఏర్పాటు చేయడంతోపాటు వారి సంరక్షణ కోసం భద్రతా విషయంలో ఏమాత్రం రాజీ పడకుండా కట్టుదిట్టంగా చేసినట్లు తెలుస్తోంది.

ఇదిలావుండగా.. తాజా సమాచారం ప్రకారం ‘బాహుబలి’ చిత్రంలో ప్రధానపాత్రల్లో నటించిన ప్రభాస్, రానా కొద్దిసేపటి క్రితమే తిరుపతికి చేరుకున్నారు. వీరిద్దరు తిరుపతికి చేరుకోవడంతో అక్కడి పరిస్థితుల్లో ఒక్కసారిగా మార్పు వచ్చేసింది. వీరిని చూసేందుకు ఎంతో మంది అభిమానులు తరలివస్తున్నట్లు సమాచారం! ఇప్పటికే చాలామంది ఫ్యాన్స్ తమ అభిమాన నటులను చూసేందుకు ఈ ఆడియో వేదిక దగ్గర తిష్టవేశారని, ఇంకా భారీ స్థాయిలో ఫ్యాన్స్ తరలివచ్చే అవకాశముందని భావిస్తున్నారు.

ఎం.ఎం. కీరవాణీ స్వరపరిచిన ఈ ఆడియో వేడుక ఇండస్ట్రీలో చెప్పుకోదగినదిగా నిలిచిపోతుందని సినీ విశ్లేషకులు భావిస్తున్నారు. రాజమౌళి-కీరవాణి కాంబోలో ఇదివరకు వచ్చిన సినిమాల్లో పాటలు బాగానే సక్సెస్ అయ్యాయి కాబట్టి.. ‘బాహుబలి’ ఆడియో కూడా సక్సెస్ అవుతాయని అనుకుంటున్నారు.