సిగరెట్ క్యానర్ హానికారకం కాదు.. ఆరోగ్యానికి కరమూ కాదు..

Posted: 04/01/2015 04:18 PM IST

సిగరెట్ కాన్సర్ కారకం, అరోగ్యానికి హానికరం అంటూ స్వయంగా సిగరెట్ తయారీ సంస్థలే. తాటికాయంత పెద్ద అక్షరాలతో సిగరెట్ పెట్టలపై రాస్తుంటే.. అలాంటిదేమి లేదని బల్లగుద్ది వాదిస్తున్నారు అధికార పార్టీకి చెందిన పార్లమెంటు సభ్యుడు దిలీప్ గాంధీ వివాదాస్పద వ్యాఖ్యలు చేశారు. సిగరెట్ తో క్యాన్సర్ వస్తుందని అనుకోవడం మూర్ఖత్వమని వివాదాస్పద వ్యాఖ్యలు కూడా చేశారు. సిగరెట్ తాగితే కేన్సర్ వస్తుందని భారత్‌లో ఏ పరిశోధన కూడా ధ్రువీకరించలేదని, అలా అనుకోవటం మూర్ఖత్వమని పేర్కోన్నారు.

పొగాకు ఉత్పత్తులన్నింటిపైనా హెచ్చరిక చిహ్నాలు 85శాతం మేర ముద్రించాలన్న కేంద్ర ఆదేశాలు నేటి నుంచి అమల్లోకి వస్తున్న నేపథ్యంలో తమ పార్టీ ఎంపీయే ఇలాంటి వ్యాఖ్యలు చేయటం బీజేపీ సర్కారుకు చిక్కులు తెచ్చిపెట్టింది. సదరు ఎంపీ, పొగాకు ఉత్పత్తుల చట్టం-2003పై వేసిన పార్లమెంటరీ స్థాయీ సంఘంలో సభ్యుడు కూడా కావడం గమనార్హం.. ‘పొగాకుతో కేన్సర్ వస్తుందని భారత్‌లో ఏ పరిశోధనా తేల్చలేదు. పరిశోధనలన్నీ విదేశాల్లోనే జరిగాయి. ఆంధ్రప్రదేశ్, మహారాష్ట్ర, మధ్యప్రదేశ్, ఛత్తీస్‌గఢ్‌లలో బీడీ తయారీపై ఆధారపడి 4 కోట్లమంది పనిచేస్తున్నారు’ అని దిలీప్ గాందీ వ్యాఖ్యానించారు.

కాగా ఈ వ్యాఖ్యాలను ఎట్టి పరిస్థితుల్లో సమర్ధించరాదని కేంద్ర మంత్రి ప్రకాష్ జావదేకర్ అన్నారు. ఎక్కడ పరిశోధనలు జరిగాయన్నది ముఖ్యం కాదన్నారు. ఆరోగ్యానికి హాని కలుగుతుందన్న విషయాలలో నిజముందని , ప్రజారోగ్యానికి సంబందించిన అంశంలో తాము ఎట్టి పరిస్థితిలో రాజీ పడబోమని కేంద్ర మంత్రి ప్రకాష్ జావదేకర్ చెప్పారు.

జి. మనోహర్