ISIS పైశాచికత్వం.. 45 మందిపై పెట్రోలు పోసి నిప్పింటించేశారు

Posted: 02/18/2015 11:40 AM IST

ఇస్లామిక్ స్టేట్ ఉగ్రవాదుల దారుణాలు రానురాను మరింతగా పెచ్చుమీరిపోతున్నాయి. ఆనాడు ఓ పైలట్ ను సజీవదహనం చేసి సంచలనం చేపిన ఐసిస్.. మొన్నటిమొన్న 21 మందిని మోకాళ్లపై కూర్చోబెట్టి తలలు తెగ్గొట్టేశారు. ఇప్పుడు మళ్లీ ఏకంగా 45 మందిపై పెట్రోలు పోసి సజీవదహనం చేశారు ఈ కిరాతకులు! 45 మందిని బంధించి, వారిపై పెట్రోల్ పోసి నిప్పు అంటించినట్లుగా తెలిసింది.

ఈ ఘటన పశ్చిమ ఇరాక్ లోని అల్-బాగ్దాది పట్టణం సమీపంలో జరిగినట్లు పోలీసులు తెలిపారని ఓ ప్రముఖ వార్తాసంస్థ తెలియజేసింది. వీరిలో కొందరు సైనికులని, మరికొందరు జర్నలిస్టులు వున్నారని తెలుస్తోంది. అయితే.. వీరిని దహనం చేసినట్లుగా ఇంతవరకూ ఏ వీడియోగానీ, ఫోటోగానీ విడుదల కాలేదు. వీరిని ఈ విధంగా సజీవదహనం చేయడానికి గల కారణాలు కూడా ఇంకా తెలియరాలేదు.