రేటింగ్ కోసం అబద్దాలు...మీడియాపై శశిథరూర్ ధ్వజం

Posted: 02/16/2015 04:12 PM IST

మీడియా రేటింగ్ కోసం అసత్యాలు, అబద్దాలు ప్రసారం చేస్తోందని కేంద్ర మాజీ మంత్రి శశిథరూర్ ట్వీట్ చేశారు. టిఆర్పి రేటింగ్ కోసం అసత్యాలను ప్రసారం చేసే మీడియా వద్దని అన్నారు. మీడియా నిజాలకు అద్దం పట్టడం లేదని ఉన్న ఓ ఫోటోను పోస్ట్ చేశారు. అయితే సునంద పుష్కర్ మృతిపై సిట్ అడిగిన ప్రశ్నలకు సరిగా సమాధానం చెప్పడం లేదని మీడియాలో కథనాలు రావడంపై శశథరూర్ గతంలో మీడియా పై ఆగ్రహం వ్యక్తం చేశారు. అయితే ఇప్పుడు తన మిత్రుడు పంపిన ఓ ఫోటో అంటూ ఈ ట్వీట్ చేశారు. చెప్పాలనుకున్న విషయాన్ని చెప్పేసి, మిత్రుడు పంపాడంటూ సన్నాయి నొక్కులు నొక్కుతున్నారంటూ కొందరు విమర్శ చేస్తున్నారు.