‘మహా’ అధికారం పంచుకున్న శివసేన, కలిసిన మిత్రులు

Posted: 12/05/2014 09:47 PM IST

Bjp government in maharashtra expanded shiv sena joins devendra fadnavis ministry

మహారాష్ట్ర అసెంబ్లీ ఎన్నికల్లో సీట్ల సర్దుబాటు కుదరక పాతికేళ్ల మైత్రి బంధాన్ని కూడా మరచి విడిపోయిన సైద్ధాంతిక సోదర పార్టీలు మళ్లీ కలిశాయి. అధికారం కోసం ఎట్టకేలకు బీజేపి, శివసేనలు కలిశాయి. మహారాష్ట్రలోని బీజేపీ ప్రభుత్వంలో శివసేన చేరేందుకు రంగం సిద్ధకావడంతో శుక్రవారం రాష్ట్ర కేబినెట్ ను విస్తరించారు. రాజ్ భవన్ లో గవర్నర్ విద్యాసాగర్ రావు 10 మంది ఎమ్మెల్యేల చేత ప్రమాణస్వీకారం చేయించారు. తాజాగా మొత్తం పది మంది మంత్రులుగా ప్రమాణస్వీకరాం చేయగా, వారిలో శివసేనకు చెందిన ఐదుగురు సభ్యలతో పాటు బీజేపికి చెందిన ఐదుగురు సభ్యులున్నారు. మహారాష్ట్రలో శివసేన అధికారాన్ని పంచుకోవడంతో మైనారిటీలో వున్న ప్రభుత్వం కాస్తా మెజారీటీలోకి చేరింది. మొత్తం 287 సబ్యులున్న మహారాష్ట్ర బీజేపిలో ప్రభుత్వ బలం 184కు చేరింది. శివసేన అధికారాన్ని పంచుకోవడంతో మహారాష్ట్ర ప్రభుత్వం ఇరు పార్టీల నేతలతో కూడిన కో అర్ఢినేషన్ కమిటీని ఏర్పాటు చేయనుంది. దీని ద్వారా ఇరు పార్టీలు ఒకరికొకరు సహకరించుకుని పాలన సాదించాలని నిర్ణయించుకున్నాయి,

త్వరలో రానున్న మున్సిపల్ ఎన్నికలలో కూడా ఇరు పార్టీలో పక్కా ముందస్తు ప్రణాళికలు, వ్యూహాలతో ప్రజల ముందుకు వెళ్లనున్నాయి. ప్రజలకు సుస్థిరమైన పాలనను అందించేందుకు పాత మిత్రులు మళ్లీ ఒక్కటయ్యారని శివసేన నేత సుబాష్ దేశాయ్ అన్నారు. అయితే ఉపముఖ్యమంత్రి పదవిపై కోనసాగుతున్న ఉత్కంఠకు ఎట్టకేలకు బీజేపి తెరదించింది. కాగా, ఈ నెల 8 నుంచి నిర్వహించినున్న మహారాష్ట్ర శీతాకాల సమావేశాల్లో.. ప్రతిపక్ష హోదా లేకుండానే కొనసాగనుందని వార్తలు వస్తున్నాయి.

జి. మనోహర్