https://www.teluguwishesh.com/
ప్రయాణికులకు మరింత చేరువయ్యేందుకు అనేక పాట్లు పడుతున్న రైల్వే శాఖ కొత్త సదుపాయం తీసుకొచ్చింది. ఇన్నాళ్ళు ఆన్ లైన్ షాపింగ్ కు పరిమితం అయిన క్యాష్ ఆన్ డెలివరి విధానంను రైల్వే టికెట్ల బుకింగ్ కు కూడా వర్తింప చేస్తోంది. వచ్చే నెలలోనే ఢిల్లీలో ఈ సౌకర్యం అందుబాటులోకి రానుంది. టికెట్ మీ ఇంటికి వస్తేనే డబ్బులివ్వండి.., లేదంటే అవసరం లేదు అని రైల్వే శాఖ సగర్వంగా చెప్పుకుంటోంది. డెబిట్, క్రెడిట్ కార్డులు లేని ప్రయాణికులతో పాటు, తమ కార్డు వివరాలు ఆన్ లైన్ లో ఇవ్వటానికి ఇష్టపడని ప్రయాణికులకు ఇది బాగా ఉపయోగపడుతుందని రైల్వే చెప్తోంది. అందురిల్ టెక్నాలజిస్ అనే ప్రయివేటు సంస్థ భాగస్వామ్యంతో అందిస్తున్న ఈ సౌకర్యం వివరాలను రైల్వే అధికారులు వెల్లడించారు. ఈ సదుపాయంకు ఈ -డాకియా అని పేరు పెట్టారు. అంతేకాకుండా ఇందుకోసం ప్రత్యేకంగా bookmytrain.com అనే వెబ్ సైట్ అందుబాటులోకి తెస్తున్నారు. ఈ వెబ్ సైట్ ను క్యాష్ ఆన్ డెలివరీ సౌకర్యం కల్పిస్తున్న కంపనీ నిర్వహిస్తోంది.
వెబ్ సైట్ లో టికెట్ బుక్ చేసుకునే సమయంలో అడ్రస్, ఫోన్ నంబర్ వంటి వివరాలు తీసుకుంటారు. టికెట్ బుక్ అయిన తర్వాత డెలివరి సంస్థ ఏజంటు వచ్చి టికెట్ ఇచ్చి డబ్బులు తీసుకుంటారు. ఒకవేళ టికెట్ తీసుకోకపోయినా రైల్వేశాఖకు నష్టం ఏమి లేదు. ఎందుకంటే టికెట్ బుక్ చేసుకున్న సమయంలోనే ప్రయాణికుడి తరపున డబ్బులను బుకింగ్ సంస్థ చెల్లిస్తుంది. కాబట్టి.., టికెట్ క్యాన్సిల్ అయినా.., ప్రయాణికుడు వద్దని గొడవ చేసినా రైల్వేకు ఎలాంటి సంబంధం లేదని అధికారులు చెప్తున్నారు. అయితే సాధారణ బుకింగ్ తో పోలిస్తే క్యాష్ ఆన్ డెలివరి టికెట్ కాస్త ఖరీదు ఎక్కువ. ఏసి క్లాసు టికెట్ రిజర్వేషన్ చేసుకోవాలంటే టికెట్ ధరపై అదనంగా 60 రూపాయలు, నాన్ ఏసీలోని అన్ని విభాగాల టికెట్లకు 40 రూపాయలు అధికంగా వసూలు చేస్తారు. వీటికి తోడు రైల్వే సర్వీస్ చార్జిలు, బ్యాంకు చార్జీలు అదనంగా ఉంటాయి. కాబట్టి ఈ టికెట్ కొనేముందు కాస్త ఆలోచించటం ఉత్తమం.
గతేడాది రైల్వే శాఖ సగం మేర సీట్లు ఆన్ లైన్ లోనే బుక్కయ్యాయి. ఆన్ లైన్ బుకింగ్, ఈ టికెట్లకు పెరుగుతున్న డిమాండ్ ను చూసి.., ప్రయాణికులకు మరింత సౌకర్యంగా ఉండేందుకు కొత్త విధానం తీసుకొచ్చినట్లు రైల్వే ఉన్నతాధికారులు తెలిపారు. ఈ సదుపాయం వస్తే.., క్యూ లైన్ల దగ్గర గంటలకొద్ది నిలబడే ఇబ్బంది తగ్గుతుందని అధికారులు అంటున్నారు. ఈ టికెట్ వినియోగం పెరిగితే ప్రస్తుతం అంతగా ఆదరణ లేని ఐ టికెట్ ను తొలగించాలని కూడా నిర్ణయించారు. ఇదంతా బాగానే ఉంది కానీ.., టికెట్ బుక్ చేసుకోవాలనుకుంటే వారు తప్పనిసరిగా నెట్ ను ఆశ్రయించాల్సిందే. కేవలం ముందుగా డబ్బులు కట్టడం మాత్రమే మినహాయింపు. అదికూడా తర్వాత అధికంగా వసూలు చేస్తారు. మరి సగటు ప్రయాణికులు ఈ పధకాన్ని ఆదరిస్తారా? లేక పక్కనబెడతారా అనేది అమలవుతేనే తెలుస్తుంది.
కార్తిక్
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
GOLD : Rs./gm
