శివాలయంలో సోనియా గాంధీ?

Posted: 06/27/2014 08:54 AM IST

Sonia visits shiva temple interacts with locals in kausani

ఆపదలు, కష్టాలు, బాధలు, వచ్చినప్పుడే.. అందరికి దేవుడు కనిపిస్తారని .. మన పెద్దలు చెబుతుంటారు. అది అక్షరాల నిజం అని నమ్మె పరిస్థితి వచ్చింది. ఒంటిచేత్తో .. దేశాన్ని ..10 సంవత్సరాల పాటు ఏలిన కాంగ్రెస్ పార్టీ అధినేత్రి శ్రీమతి సోనియాగాంధీకి దేవుడు గుర్తుకువచ్చాడు. అధికారంలో ఉన్నప్పుడు.. కనిపించని దేవుడు, అధికారం పోయిన తరువాత స్వామి అనుగ్రహం కావాల్సి వచ్చింది.

ఒక పక్క సోనియా గాంధీ దేవత అని కొన్ని రాష్ట్రాల ప్రజలు గుడులు కట్టి, పూజలే చేస్తుంటే, అలా దేవతకు.. ఎంత పెద్ద కష్టం వచ్చిందో ఏమో.. సృష్టికి లయకారుడైన.. శివయ్య కోసం సోనియా దేవత పరుగులు పెట్టింది. ఎప్పుడులేనిది ..కొత్తగా సోనియా గాంధీ శివాలయానికి వెళ్లటంతో ..కాంగ్రెస్ నేతలు, రాజకీయ నేతలు షాక్ తిన్నారు.

ఎప్పుడు నాయకులపై అధికారం చెలాయించే ..అమ్మకు.. దైవం ఇప్పుడు ప్రేమ పుట్టింది ఏంటా ? అందరు ఆశ్చర్య పోతున్నారు. కానీ దానికి కారణం ఉందని అంటున్నారు. నిన్న, రాహుల్ గాంధీకి, సోనియాగాంధీకి , ఢిల్లీ కోర్టు సమాన్లు పంపించింది. దీంతో తల్లి కొడుకులు ..ఏం చేద్దాం? అనే ఆలోచనల్లో పడి, చివరకు అమ్మ చెప్పినట్లు.. మన కష్టాలనుండి బయటపడాలంటే.. ఒక్కటే మార్గం. అంతభారం .. ఆ శివయ్య మీదే వేద్దాం అని .. ఉత్తరాఖండ్ లోని బగేశ్వర్ జిల్లాలో కౌసనిలో ఉన్న శతాబ్ధం క్రితం నాటి ‘‘రుద్రధరి శివాలయాన్ని ’’ సోనియా గాంధీ రెండు కిలోమీటర్లు నడిచి వెళ్లి సందర్శించుకున్నారు.

సోనియా గాంధీ శివాలయంలో ప్రత్యేక పూజలు జరిపించి, ఆ రాత్రికి తమ కుటుంబ మిత్రుడి ఇంట్లో బస చేయటం జరిగింది. పాపం అమ్మకు ఎంత పెద్ద కష్టం వచ్చిందో.. ఇలా నడిచి వెళ్లి , శివయ్యకు చెప్పుకుందని అక్కడ స్థానికులు ఆశ్చర్యంగా చెప్పకుంటున్నారు. ‘‘ శివుడి అనుగ్రహం లేనిదే.. చిన్న చీమమైన ..కుట్టదని’’ మన పూర్వీకులు చెబుతుంటారు. మరీ సోనియా కష్టాలను శివయ్య తీర్చుతాడో లేదో చూద్దాం.