సై అంటే సై కాదు- సైకో అంటే సైకో

Posted: 04/29/2014 08:16 AM IST

తెలుగు దేశం పార్టీ అధ్యక్షుడు చంద్రబాబు నాయుడు ఒక దిన పత్రికకు ఇచ్చిన ఇంటర్వ్యూలో ఋణ మాఫీ గురించి మాట్లాడుతూ అది సాధ్యం కాని పని అని జగన్ చేసిన వ్యాఖ్యలకు, జగన్ ఒక సైకో అని, అతనికి అనుభవం లేదని, ఏది సాధ్యమో ఏది కాదో తనకి తెలుసని, అయితే అవినీతి అక్రమాల్లో మాత్రం ఎక్కడ లేని ఆలోచనలు జగన్ వస్తాయని అన్నారు. 

కోట్ల రూపాయల మద్యాన్ని పొరుగు రాష్ట్రంలో దాచారని, అందుకు కారణం అధికారికంగా కొనుగోలు చేసినట్లయితే దాని మీద 80 శాతం పన్ను చెల్లించవలసి వస్తుంది కాబట్టి దొంగతనంగా దాచారని అన్నారు చంద్రబాబు.  

రెండు రోజుల క్రితం తెదేపా తరఫున పోటీ చేస్తున్న నందమూరి బాలకృష్ణను సైకో అని వైకాపా నాయకులు అన్నదానికి జగన్ ఒక సైకో అని చంద్రబాబు బదులిచ్చారు కానీ బాలకృష్ణ గురించి మాత్రం ఏమీ మాట్లాడకపోవటం గమనార్హం.  జగన్ గురించి మాట్లాడటం మొదలుపెట్టగానే ఆయనకు బాలకృష్ణను సైకో అన్న మాటలే ముందుగా గుర్తుకొచ్చినట్లున్నాయి.  

ఏప్రిల్ 27న వైకాపా అధికార ప్రతినిధి గట్టు రామచంద్రరావు పార్టీ కార్యాలయంలో మాట్లాడుతూ, బాలకృష్ణ ఒక సైకో అని, అతని మానసిక వ్యాధి రూఢి అయిన తర్వాత కూడా అతని పార్టీ టికెట్ ఇచ్చిన చంద్రబాబు కూడా సైకో కాబట్టే అంతా తెలిసినా అతన్ని పార్టీ తరఫున నిలబెడుతున్నారని అన్నారు.  

-శ్రీజ