రాష్ట్ర అభివృద్ధి కేవలం చంద్రబాబుతోనే: బాలకృష్ణ

Posted: 04/22/2014 10:46 AM IST

వెండితెరపై అద్బుతమైన నటన పండించే  నందమూరి బాలకృష్ణ . హిందుపూరం నియోజకవర్గం నుండి ఎమ్మెల్యేగా పోటీ చేస్తున్న విషయం తెలిసిందే.  అయితే ఎన్నికల ప్రచారంలో  బాలకృష్ణ  మాటలు దూకుడు పెంచారు. ఎన్నికల ప్రచారంలో ప్రజలకు అర్థమైవిధంగా ఆయన ప్రచారం చేస్తున్నారు.  

అంతేకాకుండా  కాంగ్రెస్,  వైసీపీ పార్టీలను  టార్గెట్ చేసుకోని విమర్శల జోరు పెంచుతున్నారు. పది సంవత్సరాల కాంగ్రెస్ పాలనలో రాష్ట్రం అధోగతి పాలయిందని... వ్యవస్థ సర్వనాశనమైపోయిందని సినీనటుడు, టీడీపీ నేత బాలకృష్ణ ఆరోపించారు. 

మరోసారి కాంగ్రెస్ అధికారంలోకి వస్తే వినాశనం తప్పదని అన్నారు. వైఎస్సార్సీపీని గెలిపిస్తే అవినీతికి వత్తాసు పలికినట్టవుతుందని తెలిపారు. రాష్ట్ర అభివృద్ధి కేవలం చంద్రబాబుతోనే సాధ్యమని చెప్పారు. టీడీపీ విజయానికి కార్యకర్తలందరూ కృషి చేయాలని కోరారు. 

ఎన్నికల ప్రచారంలో బాలకృష్ణ  చేస్తున్న వ్యాఖ్యలను.. తెలుగుతమ్ముళ్లకు ఆనందాన్ని నింపుతున్నాయి.  సింహం రంగంలోకి దిగిందని  ఆయన అభిమానులు ఆనందం వ్యక్తం చేస్తున్నారు. 

ఆర్ఎస్