జై సమైక్యాంధ్ర పార్టీ అభ్యర్థుల మొదటి జాబితా

Posted: 04/15/2014 09:07 AM IST

మాజీ ముఖ్యమంత్రి నల్లారి కిరణ్ కుమార్ రెడ్డి స్థాపించిన జై సమేక్యాంధ్ర పార్టీ తరఫున పోటీచేసే అభ్యర్థుల తొలి జాబితాను ప్రకటించింది.  మొదటి జాబితాలో కిరణ్ కుమార్ రెడ్డి పేరు లేకపోవటంతో ఆయన తను తప్పక గెలిచే స్థానం కోసం ఇంకా ఆలోచిస్తున్నారన్న విషయం అర్థమౌతోంది. 

మొదటి జాబితాలో అసెంబ్లీకి ప్రకటించిన 61 మంది అభ్యర్థులలో నలుగురు విద్యార్థి ఐకాస నాయకులున్నారు.   మాజీ ఎంపీ కణితి విశ్వనాధం కూడా ఈ మొదటి జాబితాలో ఉన్నారు.   అసలు గెలుపు గుర్రాలు ఎక్కడి నుంచి పోటీ చేస్తారన్నది ఇంకా యోజనలోనే ఉన్నట్లుగా కనిపిస్తోంది. 

కుప్పంలో చంద్రబాబు నాయుడుకు పోటీగా డాక్టర్ ఆర్ వి ఎమ్ నిర్మల ను నిలబెడుతున్నారు. 

ఎక్కువగా ఆర్భాటం లేకుండా పెద్దగా ప్రచారం లేకుండా చాపకింద నీరులా పనిచేసుకుంటూ వస్తున్న కిరణ్ కుమార్ రెడ్డి తన వ్యూహాలను ఇంకా బయటపెట్టలేదు.  ఆయన ఏ విధంగా ముందుకు పోయి ఎన్నికల బరిలో ఉన్న దిగ్గజాలను ఎదుర్కుంటారన్నది ఇంకా వెల్లడికాలేదు. 

రాష్ట్ర విభజన జరిగిన తర్వాత సమైక్యాంధ్ర నినాదానికి స్పందన లేని తరుణంలో కిరణ్ కుమార్ రెడ్డి ఆ అంశం మీద ఇంకా మాట్లాడుతూ ఏ విధమైన ప్రగతికి హామీ ఇస్తూ వోటర్లనుండి వోట్లను ఆశిస్తారన్నది ఆసక్తికరంగా తయారైంది.

-శ్రీజ