భార్యనే పట్టించుకోని వ్యక్తి ప్రజలకు ఏం సేవ చేస్తాడు?

Posted: 03/08/2014 06:33 PM IST

తన సొంత భార్యనే పట్టించుకోని వ్యక్తి  ఇక ప్రజలకు ఏం సేవా చేస్తాడు?   కాంగ్రెస్ పార్టీ కొత్త వివాదం పై కామెంట్ చేస్తుంది.  ఈ పాయింట్ ను టార్గెట్ చేసుకొని  బీజేపి ప్రధాని అభ్యర్థి  గుజరాత్  ముఖ్యమంత్రి  నరేంద్ర మోడీ పై కాంగ్రెస్ పార్టీ సీనియర్ నాయకుడు దిగ్విజయ్ సింగ్   వ్యక్తిగత విమర్శలకు దిగారు.  

ఇప్పటి  వరకు  వ్యక్తి గత విమర్శలు చేసుకోకుండా  రాజకీయ విమర్శలే చేయటం జరిగింది.   ఈసారి ఏకంగా మోడీ భార్య ను టార్గెట్  చేసుకోని  దిగ్విజయ్ సింగ్  రంగంలోకి దిగారు. 

ఇప్పటి వరకు  మోడీ భార్య  గురించి  పెద్దగా ఎవరికి తెలియదు. దిగ్విజయ్ సింగ్  చేసిన కామెంట్ తో  దేశ ప్రజలు  మోడీ వ్యక్తి విషయం పై ఆసక్తి పెంచారు.  మోడీగారు ఆయన భార్యని ఎందుకు దాస్తున్నారు?  ఆమె ను బయట ప్రపంచానికిఎందుకు పరిచయం చేయటం లేదు? ఆమె ఇప్పుడు  ఒక సాధారణ మహిళగా  అద్దె ఇంటీల్లో  జీవినం సాగిస్తుందని  దిగ్విజయ్  సింగ్ తెలిపారు. 

అంతేకాకుండా ఎన్నికల దరఖాస్తులో భార్య పేరు నమోదు చేయాల్సి ఉండగా మోడీ ఆ కాలమ్ ను ఎందుకు విడిచిపెట్టారని దిగ్విజయ్ ప్రశ్నించారు. ఆమె వివరాలు చెప్పకుండా  ఎందుకు గోప్యత పాటిస్తున్నారని విమర్శించారు. 

 ఈ అంశానికి సంబంధించి మోడీ ఎందుకు మౌనంగా ఉన్నారని నిలదీశారు.  జశోదా బెన్ ను మోడీ పెళ్లి చేసుకున్నారా లేదా? అలా అయితే విడాకులిచ్చారా? ఆమెతో ఎందుకు కలిసి ఉండట్లేదు ? తన వైవాహిక స్థితిని ఆయన ఎందుకు ప్రకటించలేదని దిగ్విజయ్ ప్రశ్నల వర్షం కురిపించారు. 

మహిళల దినోత్సం రోజే  నరేంద్ర మోడీ పై  దిగ్విజయ్ సింగ్  ఇలాంటి విమర్శలు  చేయటంతో .. మహిళ సంఘాలు  మోడీ పై మండిపడుతున్నారు.  ఈ  విమర్శలపై  నరేంద్ర మోడీ   ఏం  చెబుతారో చూడాలి. 

-ఆర్ఎస్